ਭਾਰਤੀ ਜਨਤਾ ਪਾਰਟੀ ਦੇ ਦਿੱਲੀ ਪ੍ਰਦੇਸ਼ ਪ੍ਰਧਾਨ ਲਈ ਚਲ ਰਹੀ ਮੈਰਾਥਨ ਦੇ ਨਾਲ ਨਾਲ ਦੂਜੇ ਟਰੈਕ ’ਤੇ ਏਥੋਂ ਦੇ ਮੇਅਰ ਦੀ ਚੇਅਰ ਲਈ ਲੱਗੀ ਦੌੜ ਦਾ ਟੂਰਨਾਮੈਂਟ ਖਤਮ ਹੋਣ ਦਾ ਨਾਂ ਹੀ ਨਹੀਂ ਲੈ ਰਿਹਾ। ਇਸ ਲਈ ਦਿੱਲੀ ਭਾਜਪਾ ਵਿਚ ‘ਅਗਲਾ ਕੌਣ’ ਦੀ ਟੈਨਸ਼ਨ ਉਵੇਂ ਜਿਵੇਂ ਬਰਕਰਾਰ ਹੈ। ਇਨਾਂ ਦੋਨਾਂ ਅਹੁਦਿਆਂ ਲਈ ਫੈਸਲਾ 21 ਅਪ੍ਰੈਲ ਦੀ ਇਸ ਰੈਲੀ ਤੋਂ ਬਾਅਦ ਤੈਅ ਹੋਣਾ ਹੈ। ਪ੍ਰਧਾਨ ਬਾਰੇ ਤਾਂ ਭਾਵੇਂ ਆਨੀ-ਬਹਾਨੀ ਅਜੇ ਹੋਰ ਟਾਲਿਆ ਜਾ ਸਕਦਾ ਹੈ, ਪਰ ਦਿੱਲੀ ਮਿਊਂਸਪਲ ਕਾਰਪੋਰੇਸ਼ਨ ਦੇ ਮੇਅਰ, ਡਿਪਟੀ ਮੇਅਰ ਤੇ ਕਈ ਹੋਰ ਅਹੁਦੇ ਟਾਈਮ ਬਾਊਂਡ (ਸਮਾਂ ਨਿਰਧਾਰਿਤ) ਹੋਣ ਕਾਰਨ ਇਹ 30 ਅਪ੍ਰੈਲ ਤੋਂ ਪਹਿਲਾਂ ਪਹਿਲਾਂ ਭਰਨੇ ਜ਼ਰੂਰੀ ਹੈ, ਵਰਨਾ ਸੰਵਿਧਾਨਕ ਸੰਕਟ ਖੜਾ ਹੋ ਸਕਦਾ ਹੈ।
ਇਸੇ ਲਈ ਇਨਾਂ ਅਹੁਦਿਆਂ ਲਈ ਭਾਜਪਾ ਵਿਚ ਚਲ ਰਹੀ ਆਪਸੀ ਖਿੱਚੋਤਾਣ ਤੇ ਇਸਦੇ ਨੇਤਾਵਾਂ ਵਿਚ ਇਕ ਰਾਏ ਨਾ ਬਣ ਸਕਣ ਕਾਰਨ ਇਨਾਂ ਪਦਾਂ ਲਈ ਹੋਣ ਵਾਲੀ ਚੋਣ ਦੀ ਤਰੀਕ ਨੂੰ ਬੜੇ ਹੀ ਨਾਟਕੀ ਢੰਗ ਨਾਲ ਦੋ ਦਿਨ ਅੱਗੇ ਵਧਾ ਦਿੱਤਾ ਗਿਆ ਹੈ ਤੇ ਹੁਣ ਇਨਾਂ ਸਮੇਤ ਮੇਅਰ ਦੀ ਚੋਣ 30 ਅਪ੍ਰੈਲ ਨੂੰ ਹੋਵੇਗੀ।
ਕਾਬਿਲੇ ਗੌਰ ਹੈ ਕਿ ਦਿੱਲੀ ਮਿਊਂਸਪਲ ਕਾਰਪੋਰੇਸ਼ਨ ਐਕਟ 1957 ਦੀ ਧਾਰਾ 35 ਦੀ ਉਪ ਧਾਰਾ 1 ਦੇ ਤਹਿਤ ਕਾਰਪੋਰੇਸ਼ਨ ਹਰੇਕ ਸਾਲ ਆਪਣੀ ਪਹਿਲੀ ਮੀਟਿੰਗ ਵਿਚ ਮੈਂਬਰਾਂ ’ਚੋਂ ਕਿਸੇ ਇਕ ਨੂੰ ਕਾਰਪੋਰੇਸ਼ਨ ਦਾ ਮੇਅਰ ਤੇ ਕਿਸੇ ਹੋਰ ਮੈਂਬਰ ਨੂੰ ਡਿਪਟੀ ਮੇਅਰ ਚੁਣਦੀ ਹੈ। ਐਕਟ ਅਨੁਸਾਰ ਪਹਿਲੀ ਅਪ੍ਰੈਲ ਤੋਂ ਸਾਲ ਦਾ ਆਗਾਜ਼ ਮੰਨਿਆ ਜਾਂਦਾ ਹੈ। ਇਸਦੇ ਤਹਿਤ ਕਾਰਪੋਰੇਸ਼ਨ ਸਦਨ ਦੀ ਪਹਿਲੀ ਬੈਠਕ ਜੋ ਹਰ ਵਰੇ 30 ਅਪ੍ਰੈਲ ਤਕ ਹੋ ਜਾਣੀ ਚਾਹੀਦੀ ਹੈ, ਵਿਚ ਮੇਅਰ ਦੇ ਇਲਾਵਾ ਡਿਪਟੀ ਮੇਅਰ, ਸਥਾਈ ਕਮੇਟੀ ਦੇ ਚੇਅਰਮੈਨ ਦੀ ਚੋਣ ਤੈਅ ਹੁੰਦੀ ਹੈ। ਇਸ ਲਈ ਜੇ ਕਿਸੇ ਕਾਰਨਵਸ 30 ਅਪ੍ਰੈਲ ਨੂੰ ਬੁਲਾਈ ਗਈ ਸਦਨ ਦੀ ਬੈਠਕ ਉਸ ਦਿਨ ਨਾ ਹੋ ਸਕੀ ਤਾਂ ਅਸੰਵਿਧਾਨਕ ਸਥਿਤੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਪਾਰਟੀ ਸੂਤਰਾਂ ਅਨੁਸਾਰ ਪਿਛਲੇ ਕੁਝ ਸਮੇਂ ਤੋਂ ਇਹੀ ਜਤਨ ਕੀਤਾ ਜਾ ਰਿਹਾ ਹੈ ਕਿ ਮੌਜੂਦਾ ਮੇਅਰ ਤੇ ਸਟੈਂਡਿੰਗ ਕਮੇਟੀ ਚੇਅਰਮੈਨ ਨੂੰ ਹੀ ਦੁਬਾਰਾ ਇਸ ਪਦ ’ਤੇ ਰੱਖਿਆ ਜਾਵੇ, ਪਰ ਕਾਊਂਸਲਰ ਇਸਦਾ ਵਿਰੋਧ ਕਰ ਰਹੇ ਹਨ। ਉਨਾਂ ਦਾ ਤਰਕ ਹੈ ਕਿ ਮੇਅਰ ਪਹਿਲਾਂ ਦੋ ਸਾਲ ਮਹਿਲਾ ਲਈ ਇਹ ਪਦ ਰਿਜ਼ਰਵ ਰਿਹਾ ਤੇ ਹੁਣ ਅਣਸੂਚਿਤ ਜਾਤੀ ਲਈ, ਤਾਂ ਫਿਰ ਗੈਰ ਰਿਜ਼ਰਵ ਵਰਗ ਨੂੰ ਇਸ ਕੁਰਸੀ ’ਤੇ ਬੈਠਣਾ ਕਦ ਨਸੀਬ ਹੋਵੇਗਾ ?
ਦਿੱਲੀ ਦਾ ਮੇਅਰ ਬਣਨ ਲਈ ਅੱਡੀ ਚੋਟੀ ਦਾ ਜ਼ੋਰ ਲਾਉਣ ਵਾਲੇ ਦਾਅਵੇਦਾਰਾਂ ’ਚੋਂ ਤਿੰਨ ਸਾਲਾਂ ਤੋਂ ਸਦਨ ਦੇ ਨੇਤਾ ਸੁਭਾਸ਼ ਆਰਿਆ ਦਾ ਨਾਂ ਸਭ ਤੋਂ ਅੱਗੇ ਹੈ। ਜੇ ਡਾ. ਕੰਵਰ ਸੇਨ ਨੂੰ ਫਿਰ ਤੋਂ ਮੇਅਰ ਬਰਕਰਾਰ ਰੱਖਿਆ ਜਾਂਦਾ ਹੈ ਤਾਂ ਸਟੈਂਡਿੰਗ ਕਮੇਟੀ ਦੇ ਚੇਅਰਮੈਨ ਪਦ ’ਤੇ ਰਾਮ ਕਿਸ਼ਨ ਸਿੰਗਲ ਵੀ ਮੁੜ ਚੁਣੇ ਜਾਣ ਦਾ ਦਮ ਭਰ ਸਕਦੇ ਹਨ। ਜਦਕਿ ਸਟੈਂਡਿੰਗ ਕਮੇਟੀ ਦੇ ਸਾਬਕਾ ਚੇਅਰਮੈਨ ਵਿਜੇਂਦਰ ਗੁਪਤਾ ਤੇ ਮੌਜੂਦਾ ਵਾਈਸ ਚੇਅਰਪਰਸਨ ਰਜਨੀ ਅੱਬੀ ਇਸ ਪਦ ਲਈ ਪ੍ਰਮੁੱਖ ਦਾਅਵੇਦਾਰ ਮੰਨੇ ਜਾ ਰਹੇ ਹਨ। ਇਸ ਤੋਂ ਬਿਨਾ ਦਿੱਲੀ ਦੇ ਸਾਬਕਾ ਮੁੱਖ ਮੰਤਰੀ ਮਰਹੂਮ ਸਾਹਿਬ ਸਿੰਘ ਦੇ ਰਿਸ਼ਤੇਦਾਰ ਡਿਪਟੀ ਮੇਅਰ ਮਾਸਟਰ ਆਜ਼ਾਦ ਸਿੰਘ ਨੂੰ ਐਤਕੀਂ ਮੇਅਰ ਬਣਾਉਣ ਲਈ ਵੀ ਜਦੋਜਹਿਦ ਹੋ ਰਹੀ ਹੈ।
ਕਿਹਾ ਜਾ ਰਿਹਾ ਹੈ ਕਿ ਭਾਜਪਾ ਹਾਈ ਕਮਾਨ ਨੂੰ ਦਿੱਲੀ ਭਾਜਪਾਈ ਨੇਤਾਵਾਂ ਨੂੰ ਕਹਿ ਦਿੱਤਾ ਸੀ ਕਿ ਪਹਿਲਾਂ ਉਹ 21 ਅਪ੍ਰੈਲ ਨੂੰ ਮਹਿੰਗਾੲੀ ਦੇ ਖਿਲਾਫ਼ ਰਾਜਧਾਨੀ ਵਿਚ ਹੋਣ ਵਾਲੀ ਰੈਲੀ ਵਿਚ ਆਪਣਾ ਦਮ ਖਮ ਵਿਖਾਉਣ, ਉਸ ਤੋਂ ਬਾਅਦ ਹੀ ਨਵਾਂ ਪ੍ਰਦੇਸ਼ਕ ਪ੍ਰਧਾਨ ਜਿਸ ਬਾਰੇ ਪਿਛਲੇ ਕਈ ਮਹੀਨਿਆਂ ਤੋਂ ਫੈਸਲਾ ਆਨੀ-ਬਹਾਨੀ ਟਲਦਾ ਆ ਰਿਹਾ ਹੈ, ਫਾਈਨਲ ਕੀਤਾ ਜਾਵੇਗਾ। ਏਸੇ ‘ਕੂਟਨੀਤਿਕ’ ਰਾਜਨੀਤੀ ਤਹਿਤ ਕਾਰਪੋਰੇਸ਼ਨ ਵਿਚ ਵੀ ਸੱਤਾ ’ਤੇ ਕਾਬਜ ਭਾਜਪਾ ਦੇ ਨਵੇਂ ਨੇਤਾਵਾਂ ਦੀ ਚੋਣ ਬਾਰੇ ਵੀ ਕਿਸੇ ਤਣ ਪੱਤਣ ਨਹੀਂ ਲੱਗਿਆ ਜਾ ਸਕਿਆ।
ਕਾਬਲੇ ਗੌਰ ਹੈ ਕਿ ਪ੍ਰਦੇਸ਼ ਭਾਜਪਾ ਦੀ ਦੌੜ ਵਿਚ ਪਾਰਟੀ ਦੇ ਸੀਨੀਅਰ ਨੇਤਾ ਵਿਜੇ ਗੋਇਲ, ਨੰਦ ਕਿਸ਼ੋਰ ਗਰਗ, ਵਿਜੇਂਦਰ ਗੁਪਤਾ, ਵਿਜੈ ਜੌਲੀ ਆਦਿ ਆਪੋ ਆਪਣੇ ਤਰੀਕੇ ਨਾਲ ‘ਮਿਹਨਤ’ ਕਰਦੇ ਆ ਰਹੇ ਹਨ। ਪਰ ਪਾਰਟੀ ਆਲਾ ਹਾਈਕਮਾਨ ਨੇ ਨਾ ਤਾਂ ਅਗਲਾ ਸੂਬਾਈ ਪ੍ਰਧਾਨ ਕੌਣ ਹੋਵੇਗਾ, ਉਹਦੇ ਬਾਰੇ ਹੀ ਕੋਈ ਪੱਤੇ ਖੋਲ•ੇ ਹਨ ਤੇ ਇਸ ਸੂਰਤ ਵਿਚ ਨਾ ਹੀ ਦਿੱਲੀ ਦੇ ਮੇਅਰ ਤੇ ਕਾਰਪੋਰੇਸ਼ਨ ਵਿਚ ਸੱਤਾਧਾਰੀ ਭਾਜਪਾ ਨੇਤਾਵਾਂ ਦੇ ਵਿਭਿੰਨ ਪਦਾਂ ਬਾਰੇ ਕੋਈ ਤਸਵੀਰ ਸਾਫ ਹੋ ਸਕੀ ਹੈ, ਸਗੋਂ ਇਨਾਂ ਪਦਾਂ ਬਾਰੇ ਬਦਲਾਅ ਅੱਗੇ ਦਾ ਅੱਗੇ ਹੀ ਖਿਸਕਦਾ ਗਿਆ।
ਭਾਜਪਾਈ ਕੌਂਸਲਰਾਂ ਦਾ ਇਲਜ਼ਾਮ ਤੇ ਰੋਸ ਹੈ ਕਿ ਕਾਰਪੋਰੇਸ਼ਨ ਵਿਚ ਪਾਰਟੀ ਦੇ ਵੱਡੇ ਨੇਤਾਵਾਂ ਮੂਹਰੇ ਉਨਾਂ ਦੀ ਕੋਈ ਸੁਣਵਾਈ ਨਹੀਂ। ਅਜਿਹੇ ਵਿਚ ਉਨਾਂ ਨੌਜਵਾਨ ਕੌਂਸਲਰਾਂ ਨੂੰ ਇਨਾਂ ਦੋਹਾਂ ਪਦਾਂ ’ਤੇ ਸੁਸ਼ੋਭਿਤ ਕੀਤਾ ਜਾਵੇ ਜੋ ਕਾਰਪੋਰੇਸ਼ਨ ਤੇ ਦਿੱਲੀ ਸਰਕਾਰ ਵਿਚ ਤਾਂ ਤਾਲਮੇਲ ਬਣਾਉਣ ਹੀ, ਨਾਲ ਹੀ ਕਾਰਪੋਰੇਸ਼ਨ ਦੀ ਆਰਥਕ ਹਾਲਤ ਵੀ ਸੁਧਾਰਨ। ਉਨਾਂ ਨੂੰ ਇਸ ਗੱਲ ਦਾ ਗਿਲਾ ਹੈ ਕਿ ਕਾਰਪੋਰੇਸ਼ਨ ਵਿਚ ਜਦ ਵੀ ਭਾਜਪਾ ਸੱਤਾ ’ਚ ਹੁੰਦੀ ਹੈ ਤਾਂ ਵਾਰ ਵਾਰ ਕੁਝ ਕੌਂਸਲਰ ਵੱਡੇ ਪਦਾਂ ਨੂੰ ਹਥਿਆ ਲੈਂਦੇ ਹਨ। ਇਸ ਲਈ ਕਿਰਕਿਰੀ ਤੋਂ ਬਚਣ ਲਈ ਇਸ ਪਰੰਪਰਾ ਨੂੰ ਹਰ ਹੀਲੇ ਬਦਲਿਆ ਜਾਵੇ। ਇਸ ਲਈ ਖਦ੍ਯਸ਼ਾ ਹੈ ਕਿ ਇਸ ਮੁੱਦੇ ਨੂੰ ਲੈ ਕੇ ਭਾਜਪਾ ਕੌਂਸਲਰ ਕਿਤੇ ਬਾਗੀ ਹੀ ਨਾ ਹੋ ਜਾਣ, ਉਹ ਵੀ ਉਦੋਂ ਜਦੋਂ ਪਹਿਲਾਂ ਵੀ ਦੋ ਵਾਰ ਮੇਅਰ ਪਦ ਨੂੰ ਲੈ ਕੇ ਪਾਰਟੀ ਵਿਚ ਬਗਾਵਤ ਦਾ ਬਿਗਲ ਵੱਜ ਚੁੱਕਾ ਹੋਵੇ।
ਸ਼ਾਇਦ ਇਹੋ ਹੀ ਵਜਾ ਹੈ ਕਿ ਭਾਜਪਾ ਪ੍ਰਧਾਨ ਨਿਤਿਨ ਗੜਕਰੀ ਨੂੰ ਜਿਥੇ ਦਿੱਲੀ ਦਾ ਪ੍ਰਧਾਨ ਚੁਣਨ ਵਿਚ ਖਾਸੀ ਮੁਸ਼ਕਤ ਕਰਨੀ ਪੈ ਰਹੀ ਹੈ, ਉਥੇ ਦਿੱਲੀ ਦਾ ਮੇਅਰ ਵੀ ਬਣਾਉਣ ਲਈ ਵੀ ਪਾਰਟੀ ਅੰਦਰ ਚਲ ਰਹੀ ਜ਼ੋਰ ਅਜ਼ਮਾਇਸ਼ ਦੀ ਗਰਮੀ ਵੀ ਲੂ ਦੇ ਥਪੇੜਿਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਕਹਿੰਦੇ ਨੇ ਗੜਕਰੀ ਨੇ ਗੜਕਦਿਆਂ ਇਥੋਂ ਤਕ ਸਪੱਸ਼ਟ ਹਦਾਇਤ ਦਿੱਤੀ ਸੀ ਕਿ ਸਿਰਫ਼ ਨਿਸ਼ਠਾਵਾਨ ਤੇ ਜ਼ਮੀਨੀ ਪੱਧਰ ’ਤੇ ਵਿਸਥਾਰ ਦੇ ਹਾਮੀ ਨੇਤਾਵਾਂ ਨੂੰ ਹੀ ਪ੍ਰਮੁੱਖ ਪਦਾਂ ’ਤੇ ਆਉਣ ਦਿੱਤਾ ਜਾਵੇ। ਭਾਜਪਾ ਰੈਲੀ ਵਿਚ ‘ਤਾਕਤ ਵਿਖਾਓ, ਪਦ ਪਾਓ’, ਪਦ ਪਾਉਣ ਦੀ ਅਣ ਐਲਾਨੀ ਸ਼ਰਤ ਕਾਰਨ ਤਦੇ ਹੀ ਦਿੱਲੀ ਵਿਚ ਪ੍ਰਧਾਨ ਸਮੇਤ ਕਈ ਹੋਰ ਅਹਿਮ ਪਦਾਂ ਦੀ ਚਾਹਤ ਲਈ ਦੋ ਦਰਜਨ ਤੋਂ ਵੱਧ ਨੇਤਾ ਵਰਦੀ ਗਰਮੀ ਦੀ ਤਪਸ਼ ਦੇ ਬਾਵਜੂਦ ਰੈਲੀ ਦੀ ਸਫ਼ਲਤਾ ਵਿਚ ਜੁਟੇ ਰਹੇ।
ਕਿਹਾ ਸੁਣਿਆ ਤਾਂ ਇਹ ਵੀ ਜਾ ਰਿਹਾ ਹੈ ਕਿ ਭਾਜਪਾ ਵੱਲੋਂ ਕੀਤੀ ਗਈ ਮਹਿੰਗਾਈ ਵਿਰੋਧੀ ਰੈਲੀ ਦੇ ਬਾਅਦ ਭਾਜਪਾ ਦਿੱਲੀ ਪ੍ਰਦੇਸ਼ ਪ੍ਰਧਾਨ ਦੇ ਐਲਾਨ ਦੇ ਬਾਅਦ ਹੀ ਨਵੇਂ ਪ੍ਰਧਾਨ ਦੀ ਸਲਾਹ ’ਤੇ ਮੇਅਰ ਤੇ ਉਪ ਮੇਅਰ ਦਾ ਫੈਸਲਾ ਕਰੇਗਾ। ਹਾਲਾਂਕਿ ਕਾਰਪੋਰੇਸ਼ਨ ਵਿਚ ਭਾਜਪਾ ਦਾ ਸ਼ਾਸਨ ਹੋਣ ਕਾਰਨ ਕਾਰਪੋਰੇਸ਼ਨ ਦੇ ਇਨਾਂ ਪਦਾਂ ਲਈ ਭਾਜਪਾ ਉਮੀਦਵਾਰਾਂ ਦਾ ਹੀ ਚੁਣਿਆ ਜਾਣਾ ਲਗਭਗ ਤੈਅ ਹੈ, ਪਰ ਲੋਕਤੰਤਰ ਦੇ ਤਹਿਤ ਇਨਾਂ ਪਦਾਂ ਲਈ ਕਾਂਗਰਸ ਵੀ ਤਾਂ ਜ਼ੋਰ ਅਜ਼ਮਾਇਸ਼ ਲਈ ਆਪਣੀ ਕਸਰਤ ਜਾਂ ਵਰਜਿਸ਼ ਦਾ ‘ਟ੍ਰਾਇਲ ਰਨ’ ਲੈ ਸਕਦੀ ਹੈ। …ਤੇ ਫੇਰ ਉਹ ਵੀ ਉਦੋਂ ਜਦੋਂ ਇਨਾਂ ਪਦਾਂ ਨੂੰ ਲੈ ਕੇ ਪਾਰਟੀ ਵਿਚ ਜ਼ਬਰਦਸਤ ਖਿੱਚੋਤਾਣ ਚਲ ਰਹੀ ਹੋਵੇ।
ਦਿਲਚਸਪ ਇਹ ਹੈ ਕਿ ਕਈ ਭਾਜਪਾ ਨੇਤਾਵਾਂ ਵੱਲੋਂ ਮੌਜੂਦਾ ਅਹੁਦੇਦਾਰਾਂ ਨੂੰ ਹੀ ਇਨਾਂ ਅਦਿਆਂ ’ਤੇ ਬਰਕਰਾਰ ਰੱਖਣ ਲਈ ਕੀਤੀ ਜਾ ਰਹੀ ਜਦੋਜਹਿਦ ਦੇ ਬਾਵਜੂਦ ਵੀ ਪ੍ਰਦੇਸ਼ਕ ਪ੍ਰਧਾਨ ਓਮ ਪ੍ਰਕਾਸ਼ ਕੋਹਲੀ ਇਸ ਨਾਲ ਸਹਿਮਤ ਨਹੀ! ਹਨ। ਉਨਾਂ ਦਾ ਤਰਕ ਹੈ ਕਿ ਜੇ ਅਜਿਹਾ ਹੋਇਆ ਤਾਂ ਪਾਰਟੀ ਨੂੰ ਕਾਫੀ ਨੁਕਸਾਨ ਹੋ ਸਕਦਾ ਹੈ। ਵੇਖੋ ! ਇਸ ਮੈਰਾਥਨ ’ਚੋਂ ਕਿਸਮਤ ਕਿਨਾਂ ਨੂੰ ‘ਬੈਸਟ ਐਥਲੀਟ’ ਹੋਣ ਦਾ ਮਾਣ ਬਖਸ਼ਦੀ ਹੈ।
***
ਵੈਨਕੂਵਰ, 25 ਅਪ੍ਰੈਲ (ਪ੍ਰੋ: ਗੁਰਵਿੰਦਰ ਸਿੰਘ ਧਾਲੀਵਾਲ)-ਵਿਸਾਖੀ ਨਗਰ ਕੀਰਤਨ ਦੌਰਾਨ ਸ਼ਹੀਦ ਸਿੱਖ ਖਾੜਕੂਆਂ ਦੀਆਂ ਤਸਵੀਰਾਂ ਦੀ ਪ੍ਰਦਰਸ਼ਨੀ ਸਬੰਧੀ, ਵੈਨਕੂਵਰ ਸਾਊਥ ਤੋਂ ਐਮ. ਪੀ. ਸ੍ਰੀ ਉਜਲ ਦੁਸਾਂਝ ਵੱਲੋਂ ਕੀਤੀ ਆਲੋਚਨਾ ਅਤੇ ਕੈਨੇਡਾ ’ਚ ‘ਸਿੱਖ ਅੱਤਵਾਦ’ ਦੇ ਸਿਰ ਚੁੱਕਣ ਦੇ ਬਿਆਨਾਂ ਮਗਰੋਂ ਤਿੱਖਾ ਪ੍ਰਤੀਕਰਮ ਸ਼ੁਰੂ ਹੋ ਗਿਆ ਹੈ। ਸ੍ਰੀ ਦੁਸਾਂਝ ਦੀ ਫੇਸਬੁੱਕ ’ਤੇ ਲਗਭਗ 246 ਵਿਅਕਤੀਆਂ ਵੱਲੋਂ ਇਸ ਸਬੰਧੀ ਟਿੱਪਣੀਆਂ ਕੀਤੀਆਂ ਗਈਆਂ ਹਨ, ਜਿਨ੍ਹਾਂ ’ਚ ਬੀ. ਸੀ. ਦੇ ਸਾਬਕਾ ਪ੍ਰੀਮੀਅਰ ਉ¤ਜਲ ਦੁਸਾਂਝ ਨੂੰ ‘ਸਿੱਖਾਂ ਦਾ ਗੱਦਾਰ’, ਭਾਰਤੀ ਏਜੰਸੀਆਂ ਦਾ ਜਾਸੂਸ, ਭਾਰਤ ’ਚ ਨਸਲਕੁਸ਼ੀ ਦੀ ਹਮਾਇਤ ਕਰਨ ਵਾਲਾ, ਸਿੱਖ ਧਰਮ ਦਾ ਨਿਰਾਦਰ ਕਰਨ ਵਾਲਾ ਕਹਿ ਕੇ ਨਿੰਦਿਆ ਗਿਆ ਹੈ। ਵੱਖ-ਵੱਖ ਨਾਵਾਂ ਰਾਹੀਂ ਫੇਸਬੁੱਕ ’ਤੇ ਪਾਏ ਵਿਚਾਰਾਂ ’ਚ ਜਿਥੇ ਭਵਿੱਖ ਦੀਆਂ ਚੋਣਾਂ ’ਚ ਦੁਸਾਂਝ ਨੂੰ ਹਰਾਉਣ ਦਾ ਸੱਦਾ ਦਿੱਤਾ ਗਿਆ ਹੈ, ਉਥੇ ਜਾਨੋਂ ਮਾਰਨ ਦੀ ਧਮਕੀ ਵੀ ਦਿੱਤੀ ਗਈ, 
ਡੈਲਸ (ਟੈਕਸਾਸ) (ਹਰਜੀਤ ਸਿੰਘ ਢੇਸੀ)- ਬੀਤੇ ਐਤਵਾਰ ਗੁਰਦੁਆਰਾ ਸਿੰਘ ਸਭਾ ਡੈਲਸ ਵਿਖੇ ਡੈਲਸ ਦੀ ਸਮੂਹ ਸਾਧ ਸੰਗਤ ਵੱਲੋਂ ਖਾਲਸਾ ਸਾਜਨਾ ਦਿਵਸ ਭਾਰੀ ਉਤਸ਼ਾਹ ਅਤੇ ਸਤਿਕਾਰ ਸਹਿਤ ਮਨਾਇਆ ਗਿਆ। ਭਾਰੀ ਗਿਣਤੀ ਵਿਚ ਸਿੱਖ ਸੰਗਤਾਂ ਨੇ ਗੁਰਦੁਆਰਾ ਸਾਹਿਬ ਪਹੁੰਚ ਕੇ ਪੰਥ ਦੇ ਵਾਲੀ ਪੈਗੰਬਰਾਂ ਦੇ ਸ਼ਹਿਨਸ਼ਾਹ ਸਾਹਿਬੇ ਕਮਾਲ ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ, ਜਿਹਨਾਂ ਨੇ ਖਾਲਸਾ ਪੰਥ ਨੂੰ ਸਾਜਿਆ ਅਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਨੂੰ ਗੁਰੂ ਹੋਣ ਦੀ ਪਾਵਨ ਪਵਿੱਤਰ ਪਦਵੀ ਬਖਸ਼ੀ ਸੀ, ਦੀ ਪਵਿੱਤਰ ਯਾਦ ਵਿਚ ਦੀਵਾਨ ਸਜਾ ਕੇ ਗੁਰੂ ਸਾਹਿਬ ਜੀ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਅਤੇ ਸਿੱਖ ਸੰਗਤਾਂ ਨੇ ਵਿਸਾਖੀ ਦੇ ਇਸ ਪਵਿੱਤਰ ਦਿਹਾੜੇ ਤੇ ਇਕ ਦੂਜੇ ਨੂੰ ਲੱਖ-ਲੱਖ ਵਧਾਈਆਂ ਪੇਸ਼ ਕੀਤੀਆਂ। 1699 ਦੀ ਵਿਸਾਖੀ ਵਾਲਾ ਉਹ ਪਵਿੱਤਰ ਇਤਿਹਾਸਕ ਦਿਹਾੜਾ ਕਿੰਨੇ ਭਾਗਾਂ ਵਾਲਾ ਸੀ। ਜਦੋਂ ਦਸਮ ਪਾਤਸ਼ਾਹ ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨੇ ਪੰਜਾਂ ਪਿਆਰਿਆਂ ਨੂੰ ਅੰਮ੍ਰਿਤ ਛਕਾਉਣ ਪਿੱਛੋਂ ਇਕ ਨਵੀਂ ਖਾਲਸਾ ਕੌਮ ਨੂੰ ਜਨਮ ਦਿੱਤਾ। ਵਾਹ ਵਾਹ ਗੁਰੂ ਗੋਬਿੰਦ ਸਿੰਘ ਆਪੇ ਗੁਰ ਚੇਲਾ ਦਾ ਕੌਤਕ ਰਚਾ ਕੇ ਖਾਲਸਾ ਕੌਮ ਦੇ ਇਕ ਇਕ ਸਿੰਘ ਨੂੰ ਸਵਾ ਸਵਾ ਲੱਖ ਨਾਲ ਲੜਨ ਦਾ ਬਲ ਬਖਸ਼ਿਆ। ਇਸ ਇਤਿਹਾਸ ਨੂੰ ਯਾਦ ਕਰਦਿਆਂ ਹਰ ਸਿੰਘ ਤੇ ਸਿੰਘਣੀ ਦੇ ਚਿਹਰਿਆਂ ਤੇ ਵੱਖਰਾ ਹੀ ਨੂਰਾਨੀ ਜਲਾਲ ਝਲਕਦਾ ਵੇਖਿਆ ਜਾ ਸਕਦਾ ਸੀ। 
ਫਤਿਹਗੜ ਸਾਹਿਬ, 24 ਅਪ੍ਰੈਲ( ਜਗਦੇਵ) : ਪੰਜਾਬ ਸਰਕਾਰ ਡਰਾਈਵਰ ਤੇ ਟੈਕਨੀਕਲ ਇੰਪਲਾਈਜ਼ ਯੂਨੀਅਨ ਪੰਜਾਬ ਦੀ ਇਕ ਜਰੂਰੀ ਮੀਟਿੰਗ ਸਵਰਨ ਸਿੰਘ ਕਾਹਲੋਂ ਪੰਜਾਬ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਹੋਈ। ਪ੍ਰੈੱਸ ਦੇ ਨਾਮ ਜਾਰੀ ਬਿਆਨ ਵਿਚ ਯੂਨੀਅਨ ਦੇ ਪ੍ਰੈਸ ਸਕੱਤਰ ਗੁਰਬਚਨ ਸਿੰਘ ਮਿੱਠੂ ਦੱਸਿਆ ਕਿ ਇਸ ਮੀਟਿੰਗ ਵਿੱਚ ਮੁਲਾਜਮਾਂ ਦੀਆਂ ਭਖਦੀਆਂ ਮੰਗਾਂ ਬਾਰੇ ਸਟੇਟ ਦੇ ਜਰਨਲ ਸਕੱਤਰ ਯਾਦਵਿੰਦਰ ਸਿੰਘ ਨੇ ਸਰਕਾਰ ਨਾਲ ਪਿਛਲੇ ਸਮੇਂ ਦੌਰਾਨ ਹੋਈ ਗੱਲਬਾਤ ਬਾਰੇ ਚਾਨਣਾ ਪਾਇਆ ਕਿ ਯੂਨੀਅਨ ਵੱਲੋਂ ਮੋਗਾ ਵਿਖੇ ਹੋਈ ਸਟੇਟ ਬਾਡੀ ਦੇ ਚੋਣ ਦੇ ਸਮੂਹ ਅਹੁਦੇਦਾਰਾਂ ਨੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਤੇ ਆਪ ਬਣੇ ਕਥਿਤ ਤੌਰ ਤੇ ਪ੍ਰਧਾਨ ਤੇ ਹੋਰ ਅਹੁਦੇਦਾਰਾਂ ਨੂੰ ਚੇਤਾਵਨੀ ਦਿੱਤੀ ਕਿ ਉਹ ਯੂਨੀਅਨ ਨੂੰ ਕਮਜੋਰ ਕਰਨ ਵਾਲੀਆਂ ਹਰਕਤਾਂ ਤੋਂ ਬਾਜ ਆਵੇ ਨਹੀਂ