ਇਤਿਹਾਸ ਇਹ ਗਵਾਹੀ ਭਰਦਾ ਰਹੇਗਾ ਕਿ ਬਰਤਾਨੀਆ ਦੀ ਆਰਥਿਕਤਾ ਨੂੰ ਤਕੜਾ ਕਰਨ ਅਤੇ ਇਸ ਦੀ ਬੁਲੰਦੀ ਨੂੰ ਬਰਕਰਾਰ ਰੱਖਣ ਲਈ ਟੇਢੇ-ਸਿੱਧੇ ਢੰਗ ਨਾਲ ਸਾਹਾਂ ਦੀ ਪੂੰਜੀ ਦਾਅ ’ਤੇ ਲਾ ਕੇ ਪਹੁੰਚੇ ਪੰਜਾਬੀਆਂ ਦੀ ਅਹਿਮ ਭੂਮਿਕਾ ਹੈ। ਪੰਜਾਬ ਤੋਂ ਬਰਤਾਨੀਆ ਪਹੁੰਚਣ ਵਾਲੇ ਅਨੇਕਾਂ ਪੰਜਾਬੀਆਂ ਨੇ ਆਪਣੀਆਂ ਲਿਸ਼ਕਦੀਆਂ ਜਵਾਨੀਆਂ ਬਰਤਾਨੀਆਂ ਨੂੰ ਕੰਮ ਦੇ ਰੂਪ ਵਿੱਚ ਸਮਰਪਿਤ ਕਰ ਦਿੱਤੀਆਂ। ਜਿਸ ਦੇ ਸਿੱਟੇ ਵਜੋਂ ਖ਼ੁਸ਼ਹਾਲੀ ਦੀ ਦਸਤਕ ਪੰਜਾਬੀਆਂ ਦੇ ਵਿਹੜੇ ਸੁਭਾਵਿਕ ਹੀ ਸੀ। ਜ਼ਿੰਦਗੀ ਦੇ ਸਭ ਰੰਗਾਂ ਨੂੰ ਮਾਨਣ ਵਾਲੇ ਪੰਜਾਬੀਆਂ ਦੀਆਂ ਖੇਡਾਂ ’ਚ ਸਭ ਤੋਂ ਦਿਲ ਮੋਂਹਦੀ ਖੇਡ ਕਬੱਡੀ ਨੂੰ ਪ੍ਰਮੋਟ ਕਰਨ ਵਾਲੇ ਸਭ ਯਤਨਾਂ ਵਿੱਚ ਹਮੇਸ਼ਾ ਭਾਈਵਾਲ ਬਣੇ ਰਹਿਣ ਵਾਲੇ ਪੰਜਾਬੀਆਂ ਨੇ ਪੌਂਡਾਂ ਦੀ ਧਰਤੀ ’ਤੇ ਰਹਿੰਦਿਆਂ ‘ਗੋਰੀ ਧਰਤੀ ਦੀ ਹਿੱਕ’ ’ਤੇ ਵੱਡੇ-ਵੱਡੇ ਖੇਡ ਮੇਲੇ ਕਰਵਾਉਣ ਵਾਲਿਆਂ ਦੇ ਹੌਂਸਲਿਆਂ ਨੂੰ ਖ਼ੂਬ ਦਲੇਰੀ ਦਿੱਤੀ ਜਿਸ ਦੇ ਸਿੱਟੇ ਵਜੋਂ ਇੰਗਲੈਂਡ ਵਿੱਚ ਹੋਣ ਵਾਲੇ ਕਬੱਡੀ ਖੇਡ ਮੇਲੇ ਹਮੇਸ਼ਾ ਹੀ ਲੋਕ ਬੁੱਲਾਂ ਦੀ ਸੁਰਖੀ ਬਣ ਕੇ ਚਰਚਾ ਵਿੱਚ ਰਹੇ।ਕਬੱਡੀ ਜਗਤ ਨਾਲ ਮੋਹ-ਮਿਲਾਪ ਰੱਖਣ ਵਾਲਿਆਂ ਲਈ ਇਹ ਬਹੁਤ ਵੱਡੀ ਮਾਣ ਤੇ ਸ਼ਿੱਦਤ ਵਾਲੀ ਖ਼ਬਰ ਕਹੀ ਜਾ ਸਕਦੀ ਹੈ ਕਿ ਪੰਜਾਬੀਆਂ ਦੇ ਸਰੀਰਕ ਪ੍ਰਦਰਸ਼ਨ ਦੇ ਮੂੰਹ ਜ਼ੋਰ ਦੀ ਤਸਵੀਰ ਬਣ ਚੁੱਕੀ ਕਬੱਡੀ ਨੂੰ ਇੰਗਲੰਡ ਵਿੱਚ ‘ਗੇਮ’ ਵਜੋਂ ਮਾਨਤਾ ਮਿਲ ਚੁੱਕੀ ਹੈ। ਵਿਦੇਸ਼ਾਂ ਵਿੱਚ ਇੰਗਲੈਂਡ ਹੀ ਪਹਿਲਾ ਮੁਲਕ ਹੈ, ਜਿੱਥੇ ਇਸ ਖੇਡ ਨੂੰ ‘ਗੇਮ’ ਵਜੋਂ ਮਾਨਤਾ ਮਿਲੀ ਹੈ। ਇੰਗਲੈਂਡ ਦੀ ਸਪੋਰਟਸ ਕੌਂਸਲ ਵਿੱਚ ਖੇਡ ਕਬੱਡੀ ਨੂੰ ਪਹੁੰਚਾਉਣ ’ਤੇ ‘ਗੇਮ’ ਵਾਲਾ ਦਰਜਾ ਦੁਆਉਣ ਵਿੱਚ ਕਬੱਡੀ ਖਿਡਾਰੀਆਂ ਦੇ ਵੀਜ਼ੇ ਲਵਾਉਣ ਲਈ ‘ਵੀਜ਼ਾ ਐਕਸਪ੍ਰੈਸ’ ਵਜੋਂ ਜਾਣੇ ਜਾਂਦੇ ਨਾਮਵਰ ਖੇਡ ਪ੍ਰਮੋਟਰ ਸ. ਕੁੰਦਨ ਸਿੰਘ ਖੇੜਾ ਦੀ ਸਭ ਤੋਂ ਵੱਡੀ ਭੂਮਿਕਾ ਹੈ। 1966 ਤੋਂ ਇੰਗਲੈਂਡ ’ਚ ਕਬੱਡੀ ਖਿਡਾਰੀਆਂ ਨੂੰ ਬੁਲਾਉਣ ’ਚ ਮੁੱਖ ਭੂਮਿਕਾ ਨਿਭਾਉਣ ਵਾਲਾ ਕੁੰਦਨ ਸਿੰਘ ਖੇੜਾ ਵੱਲੋਂ ਇਸ ਵਰੇ ਸਿੰਘ ਸਭਾ ਵਾਲਸਾਲ ਦੀ ਟੀਮ ਨਹੀਂ ਬਣਾਈ ਗਈ। ਇਸੇ ਤਰਾਂ ਅਮਰੀਕ ਘੁੱਦਾ ਤੇ ਅਖਤਰ ਚੱਕ ਢੰਡਾਂ ਦੇ ਸਾਥੀਆਂ ਵਾਲੀ ਹੁੱਲ ਦਾ ਵੀ ਖੇਡ ਪ੍ਰਦਰਸ਼ਨ ਦੇਖਣ ਨੂੰ ਨਹੀਂ ਮਿਲੇਗਾ।
ਪੌਂਡਾਂ ਦੀ ਗੋਰੀ ਧਰਤੀ ’ਤੇ ਪੰਜਾਬ ਦੀ ਰੰਗਲੀ ਜਵਾਨੀ ਸੁੱਖਾਂ ਸੁਖ, ਅਰਦਾਸ ਕਰ, ਸੁਪਨਿਆਂ ਨੂੰ ਸਾਕਾਰ ਕਰਨ, ਆਰਥਿਕ ਹਲਾਤਾਂ ਦੀ ਬੇਹਤਰੀ, ਸੁਪਨਿਆਂ ਨੂੰ ਖੰਭ ਲਾਉਣ ਵਾਲੇ ਯਤਨਾਂ ਲਈ ਦ੍ਰਿੜ•ਤਾ ਤੇ ਸਭ ਤੋਂ ਵੱਧ ਇੱਕ-ਦੂਜੇ ਤੋਂ ਵਧੀਆ ਖੇਡ ਵਿਖਾਉਣ ਲਈ ਮਾਪਿਆਂ, ਗੁਰੂਆਂ, ਪੀਰਾਂ, ਫ਼ਕੀਰਾਂ ਤੇ ਸੱਚੇ ਸਿਰਜਣਹਾਰ ਦਾ ਅਸ਼ੀਰਵਾਦ ਤੇ ਆਸਰਾ ਲੈ ਕੇ ਪੰਜਾਬ ਦੀ ਰੰਗਲੀ ਜਵਾਨੀ ਕਬੱਡੀ ਦੇ ਰੂਪ ਵਿੱਚ ਜਹਾਜ਼ੇ ਚੜਕੇ ‘ਵਲੈਤ’ ਪਹੁੰਚ ਚੁੱਕੀ ਹੈ।2010 ਦੇ ਸੀਜ਼ਨ ’ਚ ਹੋ ਰਹੇ ਕਬੱਡੀ ਕੈਂਪਾਂ ਦੇ ਸਭ ਪ੍ਰਬੰਧ ਮੁਕੰਮਲ ਕਰ ਲਏ ਗਏ ਹਨ। ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਯੂ. ਕੇ. ਪ੍ਰਧਾਨ ਸ. ਲਹਿੰਬਰ ਸਿੰਘ ਲਿੱਧੜ, ਚੇਅਰਮੈਨ ਸਤਿੰਦਰਪਾਲ ਸਿੰਘ ਗੋਲਡੀ ਸਾਹਨੇਵਾਲ, ਸੁਰਿੰਦਰ ਸਿੰਘ ਮਾਣਕ ਈਰਥ, ਬਹਾਦਰ ਸ਼ੇਰਗਿੱਲ, ਅਮਰੀਕ ਘੁੱਦਾ, ਸੱਤਾ ਮੁਠੱਡਾ, ਕੰਮਾ ਔਜਲਾ, ਪਿਆਰਾ ਰੰਧਾਵਾ, ਬਲਵਿੰਦਰ ਚੱਠਾ, ਭੱਜੀ ਖੀਰਾਂਵਾਲੀ, ਹਰਚਰਨ ਬੋਲਾਂ, ਬਿੰਦਰ ਫਿਰੋਜ਼ਪੁਰ, ਨਿੰਨੀ ਸਹੋਤਾ, ਲਹਿੰਬਰ ਸਿੰਘ ਕੰਗ ਤੇ ਹੋਰ ਖੇਡ ਪ੍ਰਮੋਟਰਾਂ ਵੱਲੋਂ 2010 ਦੇ ਖੇਡ ਮੇਲਿਆਂ ਨੂੰ ਲੋਕ ਦਿਲਾਂ ’ਚ ਵਸਾਉਣ ਲਈ ਸਭ ਪ੍ਰਬੰਧ ਮੁਕੰਮਲ ਕਰ ਲਏ ਗਏ ਹਨ। ਇਸ ਵਰ•ੇ ਇੰਗਲੈਂਡ ’ਚ ਖੇਡ ਕਲੱਬਾਂ ਦੇ ਖਿਡਾਰੀਆਂ ’ਤੇ ਨਜ਼ਰ ਮਾਰੀ ਜਾਵੇ, ਤਾਂ ਸਭ ‘ਕਲੱਬਾਂ’ ਵਧੀਆ ਪ੍ਰਦਰਸ਼ਨ ਦੀ ਆਸ ਲਾਈ ਬੈਠੀਆਂ ਹਨ। ਖ਼ੈਰ ਪਰਮਾਤਮਾ ਸਭ ਦੀਆਂ ਆਸਾਂ ਨੂੰ ਬੂਰ ਪਾਵੇ…। ਖੇਡ ਪੰਡਤਾਂ ਦਾ ਨਜ਼ਰੀਆ ਹੈ ਕਿ ਇਸ ਵਰੇ ਇੰਗਲੈਂਡ ’ਚ ਹੋ ਰਹੇ ਸਭ ਮੈਚਾਂ ਦੀ ਸਥਿਤੀ ‘ਮਿੱਤਰਾਂ ’ਚ ਖੜਕ ਪਈ ਜ਼ਰਾ ਸੁਣ ਕੇ ਜਾਈਂ ਸਰਦਾਰਾ…’ ਵਾਲੀ ਹੋਵੇਗੀ। ਜੇਕਰ ਇਸ ਵਰ•ੇ ‘ਬਾਰਕਿੰਗ’ ਦੇ ਖੇਡ ਪ੍ਰਮੋਟਰਾਂ ਲਹਿੰਬਰ ਸਿੰਘ ਲਿੱਧੜ, ਅਮਰੀਕ ਬੋਪਾਰਾਏ ਤੇ ਅਜਮੇਰ ਮਾਨ ਦੇ ਸਾਥੀਆਂ ਵਾਲੀ ‘ਸਿੰਘ ਸਭਾ ਬਾਰਕਿੰਗ’ ਦੀ ਟੀਮ ’ਤੇ ਨਜ਼ਰ ਮਾਰੀ ਜਾਵੇ, ਤਾਂ ਖੇਡ ਮੈਦਾਨ ਦੀਆਂ ਮਾਰੂ ਤੋਪਾਂ ਨਾਲ ਲੈਸ ਇਸ ਟੀਮ ਦੇ ਖਿਡਾਰੀਆਂ ਵਿੱਚ ਗੋਗੀ ਜਰਗੜੀ, ਭਿੰਦਾ ਬੜੀਵਾਲਾ, ਨਿਰਵੈਰ ਘੋਨੀ ਰਾਣੀਵਾਲਾ ਤੇ ਮਝੈਲ ਮੱਲ ਚੌੜੇ ਜਿੱਥੇ ਕਬੱਡੀ ਪਾਉਣਗੇ, ਉ¤ਥੇ ਬਰੜਵਾਲੀਏ ਕੇ. ਸੀ. ਸ਼ਰਮਾ, ਕਰਮੀ ਬਰੜਵਾਲ ਤੇ ਕਾਲੂ ਮਹੇੜੂ ਜਾਫ਼ੀਆਂ ਵਜੋਂ ਭਿੜਦੇ ਨਜ਼ਰ ਆਉਣਗੇ।
ਕਬੱਡੀ ਦੇ ਬਾਬਾ ਬੋਹੜ ਕਹਾਉਂਦੇ ਤੇ ਕਾਲਾ ਸੰਘਾ ਗਰੁੱਪ ਦੇ ਗਵਰਨਰ ਖੇਡ ਪ੍ਰਮੋਟਰ ਮਹਿੰਦਰ ਸਿੰਘ ਮੌੜ, ਮੋਹਣਾ ਕਾਲਾ ਸੰਘਾ, ਬਹਾਦਰ ਸ਼ੇਰਗਿੱਲ, ਪਾਲੀ ਚੱਠਾ, ਨਛੱਤਰ ਸਿੰਘ ਥਿਆੜਾ ਤੇ ਘੁੱਗੀ ਕਾਲਾ ਸੰਘਿਆਂ ਦੇ ਸਾਥੀਆਂ ਵਾਲੀ ‘ਪੰਜਾਬ ਯੂਨਾਈਟਿਡ ਵੂਲਵਰੈਂਪਟਨ ਟਿਲਫੋਰਡ’ ਇਸ ਵਾਰ ਸੁਪਰ ਸਟਾਰ ਖਿਡਾਰੀਆਂ ਨਾਲ ਲੈਸ ਹੈ। ਪੰਜਾਬ ਦੇ ਖੇਡ ਮੈਦਾਨਾਂ ਦੀ ਸ਼ਤਾਬਦੀ ਐਕਸਪ੍ਰੈ¤ਸ ਗੁਰਲਾਲ ਘਨੌਰ ਤੇ ਜੱਸਾ ਸਿੱਧਵਾਂ ਤਿੰਨ ਸਾਲਾਂ ਦੇ ਵਕਫ਼ੇ ਬਾਅਦ ਇੰਗਲੈਂਡ ’ਚ ਕਬੱਡੀਆਂ ਪਾਉਣਗੇ। ਇਸ ਟੀਮ ਦੇ ਬਾਕੀ ਖਿਡਾਰੀਆਂ ’ਚ ਗੱਗੂ ਹਿੰਮਤਪੁਰਾ, ਗਿੱਲ ਖਾੜਕੂ ਪਵਾ, ਪਾਲਾ ਡੱਡਵਿੰਡੀ ਤੇ ਟੱਕਰ ਤਲਵੰਡੀ ਚੌਧਰੀਆਂ ਤੋਂ ਇਲਾਵਾ ਜੱਫਾ ਮਸ਼ੀਨ ਵਜੋਂ ਜਾਣਿਆ ਜਾਂਦਾ ਸਿੰਘ ਸਰਦਾਰ ਜਰਵਾਣਾ ਜਾਫ਼ੀ ਹਰਵਿੰਦਰ ਰਬੋਂ ਧੌਣ ’ਤੇ ਗੋਡਾ ਰੱਖ ਕੇ ਰੇਡਰਾਂ ਨੂੰ ਦੱਸੂਗਾ ‘ਯਾਰ ਮੈਂ ਉਥੋਂ ਦਾ, ਜਿੱਥੇ ਜੰਮਿਆ ਭਗਤ ਸਰਦਾਰ…’ ਸੁਪਰ ਸਟਾਰ ਖਿਡਾਰੀਆਂ ਨਾਲ ਲੈਸ ਇਹ ਟੀਮ ਸਭ ਕੱਪਾਂ ’ਤੇ ਅੱਖ ਰੱਖੀ ਬੈਠੀ ਹੈ।
ਹਰ ਸਾਲ ਜੇਤੂ ਕੱਪਾਂ ਦੀ ਦਾਅਵੇਦਾਰ ਟੀਮ ਬਣਾਉਣ ਵਾਲੇ ਸਿੰਘ ਸਭਾ ਸਲੌਹ ਦੀ ਟੀਮ ’ਚ ਇਸ ਵਾਰ ਕਬੱਡੀ ਜਗਤ ਦੇ ਜਰਵਾਣੇ ਜਾਫ਼ੀਆਂ ਦੀ ਤਿੱਕੜੀ ਜਿਵੇਂ ਸੰਦੀਪ ਨੰਗਲ ਅੰਬੀਆਂ, ਗੋਗੋ ਰੁੜਕੀ ਤੇ ਸੋਹਣਾ ਰੁੜਕੀ ਦੀ ‘ਫੁਰਤੀ ਜਿੱਥੇ ਜੱਫ਼ਿਆਂ’ ’ਚ ਵੇਖਣ ਨੂੰ ਮਿਲੇਗੀ ਉ¤ਥੇ ਇਸ ਟੀਮ ਦੇ ਧਾਵੀਆਂ ਵਿੱਚ ਭਿੰਦਾ ਨਿਮਾਜੀਪੁਰ, ਕਾਲੂ ਕਾਲਾ ਸੰਘਿਆਂ, ਪਿੰਦੂ ਸਰਹਾਲੀ ਤੇ ਸੁੱਚਾ ਧਰਮੀਪੁਰੀਆ ਆਪਣੇ ਵਧੀਆ ਪ੍ਰਦਰਸ਼ਨ ਨਾਲ ਸਤਿੰਦਰਪਾਲ ਗੋਲਡੀ ਤੇ ਸ਼ੀਰਾ ਸ਼ੰਮੀਪੁਰੀਆ ਨੂੰ ਖ਼ੁਸ਼ ਕਰਨ ਦੀ ਪੂਰੀ ਕੋਸ਼ਿਸ਼ ਕਰਨਗੇ। ਇਸੇ ਤਰ•ਾਂ ਗੁਰਦੁਆਰਾ ਗੁਰੂ ਨਾਨਕ ਦਰਬਾਰ ਗ੍ਰੈਵਜ਼ੈਂਡ ਦੇ ਖੇਡ ਪ੍ਰਮੋਟਰਾਂ ਪਾਲਾ ਬੜਾ ਪਿੰਡ, ਸੱਤਾ ਮੁਠੱਡਾ, ਲਛਮਣ ਖੋਖੇਵਾਲ, ਬਿੱਟੂ ਭਰੋਲੀ ਤੇ ਭਿੰਦਾ ਮੁਠੱਡਾ ਵੱਲੋਂ ਇਸ ਵਰੇ ਵੀ ‘ਹੈਵੀ’ ਟੀਮ ਬਣਾਈ ਗਈ ਹੈ। ਇਸ ਟੀਮ ’ਤੇ ਜੇਕਰ ਨਜ਼ਰ ਮਾਰੀਏ, ਤਾਂ ਧਰਤੀ ਧੱਕ ਮੰਗਾ ਮਿੱਠਾਪੁਰ, ਹੈਪੀ ਚਮਿਆਰਾ, ਬੱਬੂ ਲਸਾੜਾ, ਅਮਨ ਦੁਸਾਂਝਾ, ਸੰਦੀਪ ਦਿੜਬਾਂ ਜਿੱਥੇ ਜਾਫੀਆਂ ਦੀ ਜਾਨ ’ਤੇ ਬਣਨਗੇ, ਉਥੇ ਬ੍ਰਿਟਿਸ਼ ਸਰਦਾਰ ਅਮਨ ਜੌਹਲ, ਨੋਨਾ ਭੈਣੀ ਵੜਿੰਗ, ਹੈਪੀ ਬਿੱਲੀ ਭੁੱਲਰ ਤੇ ਮਨੀ ਧਨੋਰੀ ਆਦਿ ਜੱਫ਼ਿਆਂ ਲਈ ਜੂਝਦੇ ਨਜ਼ਰ ਆਉਣਗੇ। ਖੇਡ ਪੰਡਤਾਂ ਅਨੁਸਾਰ ਗ੍ਰੈਵਜ਼ੈਂਡ ਵੀ ਕੱਪਾਂ ਦੀਆਂ ਪ੍ਰਮੁੱਖ ਦਾਅਵੇਦਾਰ ਟੀਮਾਂ ’ਚ ਸ਼ਾਮਲ ਹੈ।
ਕਬੱਡੀ ਸ਼ੌਂਕ ਤੋਂ ਹਜ਼ਾਰਾਂ ਪੌਂਡ ਨਿਛਾਵਰ ਕਰ ਚੁੱਕੇ ਕੁਲਥਮ ਵਾਲੇ ਬਾਪੂ ਲਹਿੰਬਰ ਸਿੰਘ ਕੰਗ, ਹਰਮਿੰਦਰ ਗਿੱਲ, ਜੈਲਾ ਹੁਸ਼ਿਆਰਪੁਰੀਆ ਤੇ ਸੁਰਿੰਦਰ ਮਾਣਕ ਈਰਥ ਦੇ ਹੁਕਮਾਂ ’ਚ ਬਣਨ ਵਾਲੀ ਈਰਥ ਵੂਲਿਚ ਕਬੱਡੀ ਕਲੱਬ ਵਿੱਚ ਇੰਗਲੈਂਡ ਦੇ ਜੰਮਪਲ ਖਿਡਾਰੀ ਸੀਤਾ, ਕਿੰਦਾ ਤੇ ਅਮਰਜੀਤ ਜਿੱਥੇ ਵਧੀਆ ਪ੍ਰਫਾਰਮੈਂਟ ਯਤਨਸ਼ੀਲ ਰਹਿਣਗੇ ਉ¤ਥੇ ਇਸ ਟੀਮ ਵਿੱਚ ਇੱਕ ਵਾਰ ਫਿਰ ਮਹਿੰਦਰ ਪਾਲ ਬਦੇਸ਼ਾ ਤੋਂ ਇਲਾਵਾ ਪ੍ਰਦੀਪ ਰੋਲੂ ਮਾਜਰਾ, ਗੋਲੂ ਘਨੌਰ, ਗੋਰਾ ਸ਼ਰੀਂਹ, ਰਾਜਾ ਰਾਏਸਰ ਤੇ ਲੱਖਾ ਭਾਲਾ ਹਰ ਰੇਡ ’ਤੇ ਜੱਫੇ ’ਤੇ ਤਾੜੀਆਂ ਮਰਵਾਉਣ ਦੀ ਕੋਸ਼ਿਸ਼ ਕਰਨਗੇ।
ਹਰ ਵਰ•ੇ ਪ੍ਰਫਾਰਮਰ ਟੀਮ ਬਣਾਉਣ ਵਾਲੇ ਸਾਊਥਹਾਲ ਦੇ ਖੇਡ ਪ੍ਰਮੋਟਰਾਂ ਬਾਈ ਦਲਜੀਤ ਗਿੱਲ ਉਰਫ ਮੋਨਾ ਕੋਕਰੀ, ਕੰਮਾ ਔਜਲਾ, ਪੰਮਾ ਔਜਲਾ, ਬੁਲਟ ਔਜਲਾ, ਬਲਜੀਤ ਮੱਲੀ, ਬਲਵੀਰ ਰਣੀਆ, ਕੇਵਲ ਰਣਦੇਵਾ, ਪਾਲੀ ਢਿੱਲੋਂ ਤੇ ਕਾਕਾ ਚੀਮਾ ਜਾਂਗਪੁਰ ਦੇ ਸਾਥੀਆਂ ਵਾਲੀ ‘ਸਿੰਘ ਸਭਾ ਸਾਊਥਹਾਲ’ ’ਚ ਇਸ ਵਾਰੀ ਕਾਲਾ ਘਣੀਏਵਾਲਾ, ਪਿੰਕੂ ਖਹਿਰਾ, ਅਮਨਾ ਕਕਰਾਲਾ, ਹੈਪੀ ਮੁੰਡੀਆਂ ਜਿੱਥੇ ਚੰਗੇ ਪ੍ਰਦਰਸ਼ਨ ਦੀ ਅਰਦਾਸ ਕਰ ਚੁੱਕੇ ਹਨ ਉ¤ਥੇ ਜਿੰਦਰ ਘੁਮਾਣਾ, ਕੀਪਾ ਸੁਰਖਪੁਰੀਆ ਤੇ ਸ਼ੀਪਾ ਸੁਰਖਪੁਰ ਦੇ ਡੌਲਿਆਂ ’ਚ ਜਾਨ ਦਾ ਪੁਖਤਾ ਸਬੂਤ ਵੀ ਕਬੱਡੀ ਪ੍ਰੇਮੀ ਤੱਕਣਗੇ।
ਮਿਡਲੈਂਡ ਦੇ ਕਬੱਡੀ ਕਲੱਬਾਂ ’ਚ ਸ਼ੁਮਾਰ ਤੇ ਖੇਡ ਕਬੱਡੀ ਤੋਂ ਹਜ਼ਾਰਾਂ ਪੌਂਡ ਖ਼ਰਚਣ ਵਾਲੇ ਤੇ ਜਲ-ਤੋਰੀ ਵਾਲੇ ਬਿਜ਼ਨਿਸਮੈਨਾਂ ਬਲਵਿੰਦਰ ਸਿੰਘ ਚੱਠਾ, ਸੁੱਖਾ ਢਿੱਲੋਂ ਮੌਂ ਮੀਆਂਵਾਲਾ ਤੇ ਨਵੇਂ ਸਿੰਘ ਸੱਜੇ ਹਰਭਜਨ ਸਿੰਘ ਭੱਜੀ ਉਰਫ ਭੱਜੀ ਖੀਰਾਂਵਾਲੀ ਦੇ ਹੁਕਮਾਂ ’ਚ ਬਣਨ ਵਾਲੀ ‘ਟਿਲਫੋਰਡ ਕਬੱਡੀ ਕਲੱਬ’ ਦੀ ਟੀਮ ’ਚ ਪਹਿਲੀ ਵਾਰ ‘ਖੀਰਾਂ ਵਾਲੀ’ ਦਾ ਕੋਈ ਖਿਡਾਰੀ ਨਹੀਂ ਇਹ ਵੀ ਕ੍ਰਿਸ਼ਮਾ ਹੈ। ਇਸ ਟੀਮ  ਵਿਚਲੇ ਪਿਛਲੇ ਸਾਲ ਵਾਲਾ ਮਝੈਲ ਪਾਲੀ ਪਨਗੋਟਾ ਤੋਂ ਇਲਾਵਾ ਕੁਲਦੀਪ ਬਿੱਲੀ ਭੁੱਲਰ, ਸੋਖਾ ਬਿੱਲੀ ਭੁੱਲਰ, ਮਹਿੰਦੀ, ਗੁਰਵਿੰਦਰ ਚੌਹਲਾ ਸਾਹਿਬ, ਹੈਪੀ, ਜੱਸੂ ਜਿੱਥੇ ਰੰਗਲੇ ਪੰਜਾਬ ਤੋਂ ਪਹੁੰਚਣਗੇ ਉ¤ਥੇ ਬ੍ਰਿਟਿਸ਼ ਖਿਡਾਰੀ ਦੀਪਾ ਘੁਰਲੀ ਵੀ ਰੇਡਰਾਂ ਦੇ ‘ਮੌਰ’ ਭੰਨਦਾ ਨਜ਼ਰ ਆਵੇਗਾ।
ਖੇਡ ਕਬੱਡੀ ’ਚ ਜਰਵਾਣਾ ਜਾਫੀ ਤੇ ਖੇਡ ਪ੍ਰਮੋਟਰ ਵਜੋਂ ਨਾਮਣਾ ਖੱਟਣ ਵਾਲੇ ਸਵਿੰਦਰ ਸਿੰਘ ਬਾਠ ਉਰਫ ਸ਼ਿੰਦਾ ਅਮਲੀ ਭਾਵੇਂ ਪਿਛਲੇ ਵਰ•ੇ ਇਸ ਫ਼ਾਨੀ ਸੰਸਾਰ ਨੂੰ ਅਲਵਿਦਾ ਕਹਿ ਗਿਆ, ਪਰ ਉਸ ਦੇ ਨਾਂ ’ਤੇ ਕਬੱਡੀ ਪ੍ਰਾਪਤੀਆਂ ਨੂੰ ਸਮਰਪਿਤ ‘ਸਿੱਖ ਟੈਂਪਲ ਵੁਲਵਰਹੈਂਪਟਨ ਸ਼ਿੰਦਾ ਅਮਲੀ’ ਉਸ ਦੇ ਖ਼ਾਸ ਬੇਲੀਆਂ ਜਿਵੇਂ ਮੇਜਰ ਗਾਖਲ, ਪ੍ਰਧਾਨ ਬਿੰਦਰ ਮਾਹਲ, ਨਿਰਮਲ ਸੰਧੂ ਤੇ ਰਾਜਨ ਮਾਹਲ ਵੱਲੋਂ ਇਸ ਵਰੇ ਬਣਾਈ ਟੀਮ ’ਚ ਮਝੈਲਾਂ ਤੇ ਮਲਵਈਆਂ ਦੀ ਜ਼ਿਕਰਯੋਗ ਹਾਜ਼ਰੀ ਹੈ। ਕਬੱਡੀ ਕੱਪਾਂ ’ਤੇ ਬਾਜ਼ ਵਾਲੀ ਅੱਖ ਰੱਖ ਚੁੱਕੀ ਇਸ ਟੀਮ ਦੇ ਚੌਬਰਾਂ ਵਿੱਚ ਬਲਕਾਰਾ ਸ਼ਿਕਾਰ ਮਾਛੀਆਂ, ਭਜਾ ਸ਼ਿਕਾਰ ਮਾਛੀਆਂ, ਮਾਝੂ, ਪ੍ਰਗਟ ਹਿੰਮਤਪੁਰ, ਦੀਪ ਹਿੰਮਤਪੁਰ ਤੇ ਸੁਖਮਨ ਚੌਹਲਾ ਸਾਹਿਬ ਪ੍ਰਮੁੱਖ ਹਨ।
ਕਬੱਡੀ ਜਗਤ ’ਚ ਸਾਫ ਸੁਥਰੀ ਸ਼ਖ਼ਸੀਅਤ ਬਣ ਕੇ ਉਭਰੇ ਤੇ ਪਿਛਲੇ ਵਰੇ ਵਿਛੋੜਾ ਦੇ ਗਏ ਬਾਪੂ ਗੁਰਨਾਮ ਸਿੰਘ ਛੋਕਰ ਦੀਆਂ ਯਾਦਾਂ ਇਸ ਵਰੇ ਚੇਤਿਆਂ ’ਚ ਆਉਣਗੀਆਂ। ਸੋਖਾ ਉਦੋਪੁਰੀਆ, ਸ਼ੋਟੀ ਛੋਕਰ, ਨਛੱਤਰ ਛੋਕਰ, ਹਰਚਰਨ ਬੌਲਾ ਤੇ ਬੋਈ ਦੇ ਨਵੇਂ ਤਜਰਬਿਆਂ ਵਾਲੀ ਡਰਬੀ ਟੀਮ ’ਚ ਸਭ ਤੋਂ ਲੰਬੇ ਕੱਦ ਵਾਲਾ ਸੁਨੱਖਾ ਗੱਭਰੂ ਹਰਮੇਲ ਰਾਈਆਂਵਾਲਾ ਦਾ ਪ੍ਰਦਰਸ਼ਨ ਪੌਂਡਾਂ ਦੀ ਵਰਖਾ ਕਰਵਾਉਣ ਦੀ ਸਮਰੱਥਾ ’ਚ ਯਤਨਸ਼ੀਲ ਹੈ। ਨਵੇਂ ਜੋਸ਼ ਨਾਲ ਭਰਪੂਰ ਇਸ ਟੀਮ ਦੇ ਜਰਵਾਣੇ ਜਾਫ਼ੀ ਕਾਲਾ ਪਰਮਜੀਤਪੁਰ ਦੇ ਚਮਤਕਾਰੀ ਜੱਫ਼ੇ ਜਿੱਥੇ ਖੇਡ ਪ੍ਰੇਮੀਆਂ ਨੂੰ ਨਸ਼ਿਆਉਣਗੇ, ਉ¤ਥੇ ਬਾਕੀ ਖਿਡਾਰੀਆਂ ’ਚ ਬਿੰਦਾ ਭਰੋਲੀ, ਭਿੰਦਾ ਨਿੱਝਰਾਂ, ਰਿੰਕੂ ਪੱਤੜ ਤੇ ਸ਼ਾਮਾ ਇੱਬਣ ਵੀ ਵਧੀਆ ਕਾਰਗੁਜ਼ਾਰੀ ਦਿਖਾਉਣ ਲਈ ਯਤਨਸ਼ੀਲ ਹਨ।
ਜੇਕਰ ਬਰਮਿੰਘਮ ਸਮੈਦਿਕ ਕਬੱਡੀ ਦੇ ਖੇਡ ਯੋਧਿਆਂ ’ਤੇ ਨਜ਼ਰ ਮਾਰੀ ਜਾਵੇ, ਤਾਂ ਇਸ ਟੀਮ ਵਿੱਚ ਇਸ ਵਰੇ ਵਰਲਡ ਦੇ ਦਸ ਕਬੱਡੀ ਖਿਡਾਰੀਆਂ ਨੂੰ ਨਾਕਆਊਟ ਕਰਕੇ ਨਬਜ਼ਾਂ ਬੰਦ ਕਰਕੇ ਕਬੱਡੀ ਪਾਉਣੀਆਂ ਬੰਦ ਕਰਵਾਉਣ ਵਾਲਾ ਗੁੱਟ ਦਾ ‘ਟਰਬੇਨੇਟਰ’ ਬਲਰਾਜ ਸਿੰਘ ਉਰਫ ਬਾਜ਼ੀ ਜੰਡ ਵੀ ਨਿੱਜੀ ਸਹੋਤਾ, ਨਿੰਦੀ ਔਜਲਾ ਤੇ ਹਰਨੇਕ ਸਿੰਘ ਨੇਕਾਂ ਦੀਆਂ ਹੱਲਾਂਸ਼ੇਰੀਆਂ ਵਿੱਚ ਗੁੱਟ ਫੜ ਕੈਂਚੀਆਂ ਮਾਰਦਾ ਨਜ਼ਰ ਆਵੇਗਾ। ਜਰਨੈਲ ਸਿੰਘ ਮੈਰੀਪੁਰ ਤੇ ਜਸਵੀਰ ਸਿੰਘ ਦੀ ਅਗਵਾਈ ’ਚ ਬਣੀ ਬਰਮਿੰਘਮ ਦੀ ਟੀਮ ਇਸ ਦੇ ਨਵਾਂ ਰੰਗ ’ਤੇ ਟੇਲੈਂਟ ਅੱਗੇ ਲਿਆਉਣ, ਜਿਹੜੇ ਖਿਡਾਰੀ ਪੌਂਡਾਂ ਦੀ ਧਰਤੀ ਪ੍ਰਦਰਸ਼ਨ ਲਈ ਉ¤ਤਰ ਚੁੱਕੇ ਹਨ। ਉਨ•ਾਂ ਵਿੱਚ ਪਾਲਾ ਚਮਿਆਰਾ, ਸੁੱਖ ਪੱਤੜਾ, ਮਨਪ੍ਰੀਤ ਮੋਗਾ, ਮਨਜਿੰਦਰ ਚੜਿਕ ਤੇ ਹਰਪ੍ਰੀਤ ਹੈਪੀ ਸਭ ਨੂੰ ਹੈਪੀ ਕਰਦੇ ਨਜ਼ਰ ਆਉਣ ਦੀਆਂ ਵਿਊਂਤਾਂ ਬਣਾ ਚੁੱਕੇ ਹਨ।
ਲੈਸਟਰ ਦੇ ਪ੍ਰਮੋਟਰ ਪਿਆਰਾ ਰੰਧਾਵਾ, ਮੋਦੀ ਤੇ ਨਛੱਤਰ ਸਿੰਘ ਢਾਡੀ ਵੱਲੋਂ ਬਣਾਈ ਟੀਮ ਵਿੱਚ ਗਗਨਦੀਪ ਨੰਗਲ ਅੰਬੀਆਂ, ਰਾਜਾ ਦਾਨੇਵਾਲ, ਪਾਨਾ ਹੇਰਾਂ ਵਾਲਾ, ਨੇਕੀ ਲਿੱਤਰਾਂ, ਗੋਪੀ ਭਰੋ ਮਜਾਰਾ ਤੇ ਹੈਪੀ ਮਨਸੂਰਵਾਲ ਪੱਟਾਂ ਨੂੰ ਤੇਲ ਲਗਾ ਚੁੱਕੇ ਹਨ। ਤੇਜ਼ ਕਬੱਡੀ ਕਲੱਬ ਦੀ ਟੀਮ ਹਰ ਵਰੇ ਵਾਂਗ ਇਸ ਵਰੇ ਵੀ ਚਮਤਕਾਰੀ ਪ੍ਰਦਰਸ਼ਨ ਕਰਦੀ ਖੇਡ ਪ੍ਰੇਮੀਆਂ ਤੋਂ ਚੀਕਾਂ ਕਿਲਕਾਰੀਆਂ-ਤਾੜੀਆਂ ਮਰਵਾਉਂਦੀ ਨਜ਼ਰ ਆਵੇਗੀ। ਕੇਵਲ ਬੁਈਆਂ ਵਾਲਾ, ਬਿੰਦਰ ਭਲੂਰ, ਪਾਲੀ ਧੂੜਕੋਟ ਤੇ ਹਰਜੀਤ ਜੰਡੀ ਦੀ ਰਹਿਨੁਮਾਈ ’ਚ ਬਣੀ। ਇਸ ’ਚ ‘ਮਲਵਈ’ ਖਿਡਾਰੀਆਂ ਦੀ ਸਰਦਾਰੀ ਬਰਕਰਾਰ ਹੈ। ਜਿਨਾਂ ਵਿੱਚ ਜੀਤਾ ਤੂਤ, ਜਗਦੀਪ ਢੀਮਾਂ ਵਾਲੀ, ਧੰਨਵੰਤ ਸਾਫੂਵਾਲਾ ਤੋਂ ਇਲਾਵਾ ਗੋਰੂ ਮਰੂੜ, ਬਾਜਾ ਮੱਲਣ ਤੇ ਬਗੀਚਾ ਇੰਦਗੜ ਖੇਡ ਮੈਦਾਨ ਵਿੱਚ ‘ਧੌਲ ਧੱਫੇ ਮਾਰਦੇ ਨਜ਼ਰ ਆਉਣਗੇ। ਸ਼ਹੀਦ ਊਧਮ ਸਿੰਘ ਕਬੱਡੀ ਕਲੱਬ ਕਾਵੈਂਟਰੀ ਵਾਲਿਆਂ ਇਸ ਵਰ•ੇ ਨਵਾਂ ਤਜਰਬੇ ਕਰਦਿਆਂ ਟੀਮ ਦਾ ਨਿਰਮਾਣ ਕੀਤਾ ਹੈ। ਸਤਨਾਮ ਗਿੱਲ, ਭਜਨ ਸਮਰਾ, ਡਾ. ਬੱਲ ਸਿੱਧੂ ਭੇਟਾ, ਸ਼ਿੰਦਾ ਛੂ ਮੰਤਰ ਤੇ ਕੇਵਲ ਪਾਸਲਾ ਦੀ ਅਗਵਾਈ ’ਚ ਖੇਡਣ ਜਾ ਰਹੀ ਇਸ ਟੀਮ ’ਚ ਰਾਜਾ ਸ਼ਾਹਪੁਰੀਆ, ਗੁਰਮੀਤ ਲਸਾੜਾ ਤੇ ਗੁਰਦੀਪ ਤੱਕੀਪੁਰ ਦੀ ਤਕੜੀ ਜਿੱਥੇ ਜਾਫ਼ ਲਾਈਨ ’ਚ ਸ਼ਾਮਲ ਹੈ ਉ¤ਥੇ ਗੱਲਾ ਬਹੂਆ, ਗੀਤਾ ਮੂਲੇਵਾਲ ਤੇ ਗੁਰਵਿੰਦਰ ਸਰਾਂ ਆਦਿ ਦੀ ਪ੍ਰਾਰਫਮੈਂਸ ਦਾ ਖੇਡ ਮੈਦਾਨ ’ਚ ‘ਪੱਤੇ ਖੁੱਲਣ’ ’ਤੇ ਪਤਾ ਲੱਗੇਗਾ। ਮਿਡਵੇ ਦੇ ਖੇਡ ਪ੍ਰਮੋਟਰਾਂ ਜੋਗਿੰਦਰ ਸਿੰਘ ਦੇ ਮਿੱਤਰਾਂ-ਦੋਸਤਾਂ ਵਾਲੀ ਮਿਡਵੇ ਕਬੱਡੀ ਕਲੱਬ ਇਸ ਵਾਰ ਫਿਰ ਗੁਰੂ ਨਾਨਕ ਕਬੱਡੀ ਕਲੱਬ ਨਕੋਦਰ ਦੀ ਸਰਦਾਰੀ ਬਰਕਰਾਰ ਹੈ। ਇਸ ਕਲੱਬ ਲਈ ਖੇਡਣ ਵਾਲੇ ਕਬੱਡੀ ਖਿਡਾਰੀਆਂ ਵਿੱਚ ਭੂਰਾ ਬੱਗਾ ਪਿੰਡ, ਯਾਦ ਕੁੰਢੀ, ਜਗਤਾਰ ਝਨੇੜੀ, ਰਸ਼ਪਾਲ ਤਲਵੰਡੀ ਸਲੇਮ ਤੇ ਗੁਰਲਾਲ ਸਿੰਦੜਾ ਪਰ• ਤੋਲ ਚੁੱਕੇ ਹਨ।
ਹਰ ਸਾਲ ਦੀ ਤਰਾਂ ਇਸ ਵਰੇ ਵੀ ਕਬੱਡੀ ਖੇਡ ਮੈਦਾਨਾਂ ਵਿੱਚ ਬੋਲਾਂ ਦੇ ਵਣਜਾਰੇ ਵਜੋਂ ਜਾਣਿਆ ਜਾਂਦਾ ਤੇ ਵਲੈਤੀਆਂ ਦਾ ਚਹੇਤਾ ਖੇਡ ਕੁਮੈਂਟੇਟਰ ਭਿੰਦਾ ਮੁਠੱਡਾ ਖ਼ਾਸ ਪੰਜਾਬੀ ਸੱਭਿਆਚਾਰ ਵਾਲੇ ਰਵਾਇਤੀ ਪਹਿਰਾਵੇ ਵਿੱਚ ਰਹਿ ਕੇ ਸ਼ੇਅਰਾਂ, ਟੋਟਕਿਆਂ ਤੇ ਠੇਠ ਪੰਜਾਬੀ ਗੀਤਾਂ ਨਾਲ ਖਿਡਾਰੀਆਂ, ਪ੍ਰਮੋਟਰਾਂ, ਸਪੋਟਰਾਂ ਤੇ ਮਾਂ ਖੇਡ ਕਬੱਡੀ ਨੂੰ ਅਮੀਰੀ ਬਖ਼ਸ਼ਣ ਵਾਲੇ ਸ਼ਹਿਦ ਨਾਲੋਂ ਮਿੱਠੇ ਬੋਲਾਂ ਨਾਲ ਜਿੱਥੇ ਹਾਜ਼ਰੀ ਭਰੇਗਾ, ਉ¤ਥੇ ‘ਬ੍ਰੇਕ ਟਾਈਮ  ’ਤੇ ਪੱਤਰਕਾਰ, ਗੀਤਕਾਰ ਤੇ ਖੇਡ ਕੁਮੈਂਟੇਟਰ ਸੋਖਾ ਢੇਸੀ ‘ਸਟਾਇਲਿਸ਼ ਅੰਦਾਜ਼’ ’ਚ ਖੇਡ ਮੈਦਾਨਾਂ ’ਚ ਹਾਜ਼ਰੀ ਭਰਦਾ ਰਹੇਗਾ।