ਹਿਊਸਟਨ: ਬ੍ਰਿਟਿਸ ਪੈਟਰੋਲੀਅਮ ਨੇ ਮੰਨਿਆ ਹੈ ਕਿ ਉਸ ਦੇ ਡੀਪਵਾਟਰ ਹੌਰੀਜਨ ਖੂਹ ਵਿਚ ਧਮਾਕੇ ਕਾਰਨ ਰਿਸੇ ਤੇਲ ਨੂੰ ਰੋਕਣ ਲਈ ਕੀਤੀ ਕੋਸ਼ਿਸ਼ ਬੇਕਾਰ ਚਲੀ ਗਈ ਹੈ ਅਤੇ ਉਹ ਹੁਣ ਹੋਰ ਤਰੀਕੇ ਲੱਭ ਰਹੀ ਹੈ। ਅਮਰੀਕੀ ਇਤਿਹਾਸ ਵਿਚ ਇਹ ਸਭ ਤੋਂ ਬਦਤਰੀਨ ਤੇਲ ਰਿਸਾਓ ਦੀ ਘਟਨਾ ਵਾਪਰੀ ਹੈ।ਕੰਪਨੀ ਨੇ ਚਾਰ ਦਿਨ ਪਹਿਲਾਂ ‘ਟੌਪ ਦਿਲ’ ਨਾਮੀ ਮੁਹਿੰਮ ਸ਼ੁਰੂ ਕੀਤੀ ਸੀ ਜਿਸ ਤੋਂ ਬਾਅਦ ‘ਜੰਕ ਸ਼ਾਟ’ ਨਾਂ ਦੀ ਵਿਧੀ ਅਪਣਾਈ ਗਈ ਤਾਂ ਕਿ ਖੂਹ ਵਿਚ ਚਿੱਕੜ ਭਰ ਕੇ ਤੇਲ ਦਾ ਰਿਸਾਅ ਰੋਕਿਆ ਜਾ ਸਕੇ।ਪ੍ਰਾਜੈਕਟ ’ਤੇ ਕੰਮ ਕਰਦੇ ਤਕਨੀਸ਼ੀਅਨਾਂ ਨੇ ਆਖਿਆ ਕਿ ਪੰਪ ਵਿਚ ਰੁਕਾਵਟ ਆ ਗਈ ਹੈ ਅਤੇ ਫਿਲਹਾਲ ਡੇਟਾ ਦੀ ਸਮੀਖਿਆ ਕੀਤੀ ਜਾ ਰਹੀ ਹੈ।