ਪਿਸ਼ਾਵਰ: ਪਾਕਿਸਤਾਨ ਦੇ ਉੱਤਰ-ਪੱਛਮੀ ਖੈਬਰ ਕਬਾਇਲੀ ਖਿੱਤੇ ਵਿਚ ਤਾਲਿਬਾਨ ਅਤੇ ਲਸ਼ਕਰ ਏ-ਇਸਲਾਮ ਦੇ ਅਤਿਵਾਦੀਆਂ ਦਰਮਿਆਨ ਹੋਈਆਂ ਝੜਪਾਂ ਵਿਚ 25 ਵਿਅਕਤੀ ਮਾਰੇ ਗਏ।ਇਹ ਝੜਪਾਂ ਲੰਘੀ ਰਾਤ ਉਦੋਂ ਸ਼ੁਰੂ ਹੋਈਆਂ ਜਦੋਂ ਤਹਿਰੀਕ-ਏ-ਤਾਲਿਬਾਨ  ਪਾਕਿਸਤਾਨ ਦੇ ਕਾਰਕੁਨਾਂ ਨੇ ਖੈਬਰ ਦੇ ਡਬਈ ਬਾਜ਼ਾਰ ਖੇਤਰ ਵਿਚੋਂ ਲਸ਼ਕਰ-ਏ-ਇਸਲਾਮ ਦੇ ਆਗੂ ਮਨੀ ਗੁਲ ਨੂੰ ਅਗਵਾ ਕਰਨ ਦਾ ਯਤਨ ਕੀਤਾ। ਲਸ਼ਕਰ-ਏ-ਇਸਲਾਮ ਨੇ ਇਹ ਯਤਨ ਨਾਕਾਮ ਕਰ ਦਿੱਤੇ ਅਤੇ ਦੋਵਾਂ ਧਿਰਾਂ ਦਰਮਿਆਨ ਗੋਲੀਬਾਰੀ ਸ਼ੁਰੂ ਹੋ ਗਈ।ਸੂਤਰਾਂ ਅਨੁਸਾਰ 8 ਵਿਅਕਤੀ ਥਾਂ ’ਤੇ ਹੀ ਮਾਰੇ ਗਏ ਜਦਕਿ 17 ਹੋਰ ਬਾਅਦ ਵਿਚ ਹੋਈਆਂ ਝੜਪਾਂ ਵਿਚ ਹਲਾਕ ਹੋ ਗਏ। ਸੂਤਰਾਂ ਅਨੁਸਾਰ ਦੋਵਾਂ ਧਿਰਾਂ ਦਰਮਿਆਨ ਅੱਜ ਬਾਅਦ ਦੁਪਹਿਰ ਤਕ ਵੀ ਗੋਲੀਬਾਰੀ ਹੋ ਰਹੀ ਸੀ।