ਮਾਈ ਨੇਮ ਇਜ ਖਾਨ,ਬਟ ਆਈ ਐਮ ਨਾਟ ਟੈਰੀਰਿਸਟ…’

ਭਾਵੇਂ ਹੀ ਸ਼ੇਕਸਪੀਅਰ ਨੇ ਕਿਹਾ ਹੋਵੇ ਕਿ ਨਾਮ ਵਿਚ ਕੀ ਰੱਖਿਆ ਹੈ, ਪਰ ਅੱਜ ਦੀ ਦੁਨੀਆ ਵਿਚ ਇਹ ਗੱਲ ਲਾਗੂ ਹੁੰਦੀ ਨਹੀਂ ਦਿਖਦੀ। ਸੋਚੋ ਕਿ ਜੇਕਰ ਸ਼ਾਹਰੁਖ ‘ਖਾਨ’ ਨਹੀਂ ਹੁੰਦੇ ਤਾਂ ਕੀ ਅਜਿਹੀ ਮਾੜੀ ਰਾਜਨੀਤੀ ਹੁੰਦੀ ਅਤੇ ਇੰਨਾ ਬਖੇੜਾ ਖੜ੍ਹਾ ਕੀਤਾ ਜਾਂਦਾ?  ਫਿਲਮ ‘ਮਾਈ ਨੇਮ ਇਜ ਖਾਨ’ ਵਿਚ ਵੀ ਸ਼ਾਹਰੁਖ ਦੇ ਨਿਭਾਏ ਕਿਰਦਾਰ ਰਿਜਵਾਨ ਨੂੰ ‘ਖਾਨ’ ਸਰਨੇਮ ਕਾਰਨ ਹੀ ਗੈਰ ਮਨੁੱਖੀ ਹਾਦਸਿਆਂ ਦਾ ਸ਼ਿਕਾਰ ਹੋਣਾ ਪੈਂਦਾ ਹੈ। ਐਸਪਰਜਰ ਨਾਮ ਦੀ ਦਿਮਾਗੀ ਬੀਮਾਰੀ ਦਾ ਬਚਪਨ ਤੋਂ ਹੀ ਸ਼ਿਕਾਰ ਰਿਜਵਾਨ ਉਂਝ ਤਾਂ ਕਾਫੀ ਬੁੱਧੀਮਾਨ ਹੈ ਪਰ ਉਸ ਨੂੰ ਰੌਲਾ ਅਤੇ ਕੁੱਝ ਰੰਗਾਂ ਤੋਂ ਸਖਤ ਐਲਰਜੀ ਹੈ। Read More..

ਸਲਮਾਨ ਨੇ ਖੁਦ ਲਿਖੀ ਹੈ ਵੀਰ ਦੀ ਕਹਾਣੀ

ਸਲਮਾਨ ਖਾਨ ਦੀ ‘ਵੀਰ’ ਅੱਜਕੱਲ੍ਹ ਬਹੁਤ ਚਰਚਾ ਵਿਚ ਹੈ। ਸ਼ਾਇਦ ਤੁਹਾਨੂੰ ਸੁਣ ਕੇ ਹੈਰਾਨੀ ਹੋਵੇ ਕਿ ਇਸ ਫਿਲਮ ਦਾ ਪ੍ਰੀਮੀਅਰ ਅਮਿਤਾਭ ਬਚਨ ਵੀ ਦੇਖਣ ਦਾ ਮਨ ਬਣਾ ਚੁੱਕੇ ਹਨ। ਸਲਮਾਨ ਖਾਨ ਜਦੋਂ ਫ਼ਿਲਮਾਂ ਵਿਚ ਨਵਾਂ ਨਵਾਂ ਆਇਆ ਸੀ ਤਾਂ ਉਦੋਂ ਉਸ ਨੇ ਰਾਜਾ-ਰਜਵਾੜੇ ਦੀ ਕਹਾਣੀ ਵਾਲੀ ਫ਼ਿਲਮ ‘ਸੂਰਿਆਵੰਸ਼ੀ’ ਵਿਚ ਕੰਮ ਕੀਤਾ ਸੀ। ਇਹ ਫ਼ਿਲਮ ਆਪਣੇ ਜ਼ਮਾਨੇ ਦੀ ਹਿੱਟ ਫ਼ਿਲਮ ਸੀ ਅਤੇ ਇਸ ਦਾ ਨਿਰਮਾਣ ਨਿਰਮਾਤਾ ਵਿਜੈ ਗਿਲਾਨੀ ਵੱਲੋਂ ਕੀਤਾ ਗਿਆ ਸੀ। ਹੁਣ ਵਿਜੈ ਗਿਲਾਨੀ ਫਿਰ ਇਕ ਵਾਰ ਰਾਜਾ-ਰਜਵਾੜੇ ਦੀ ਕਹਾਣੀ ਵਾਲੀ ਫ਼ਿਲਮ ਲੈ ਕੇ ਆਏ ਹਨ ਅਤੇ ਉਨ੍ਹਾਂ ਦੀ ਇਸ ਫ਼ਿਲਮ ਦਾ ਨਾਂਅ ਹੈ ‘ਵੀਰ’। ਉਨ੍ਹਾਂ ਦੀ ਇਸ ਫ਼ਿਲਮ ਵਿਚ ਸਲਮਾਨ ਖਾਨ ਮੁੱਖ ਭੂਮਿਕਾ ਵਿਚ ਹੈ ਅਤੇ ਇਹ ਫ਼ਿਲਮ ਅਨਿਲ ਸ਼ਰਮਾ ਵੱਲੋਂ ਨਿਰਦੇਸ਼ਿਤ ਕੀਤੀ ਗਈ ਹੈ। ‘ਸੂਰਿਆਵੰਸ਼ੀ’ ਵਿਚ ਸਲਮਾਨ ਖਾਨ ਦੇ ਨਾਲ ਦੋ ਹੀਰੋਇਨਾਂ ਅੰਮ੍ਰਿਤਾ ਸਿੰਘ ਤੇ ਸ਼ੀਬਾ ਸਨ। ਇਸ ਫ਼ਿਲਮ ਵਿਚ ਵੀ ਸਲਮਾਨ ਦੇ ਸਾਹਮਣੇ ਦੋ ਨਾਇਕਾਵਾਂ ਹਨ। Read More..

ਰਿਟਾਇਰ ਹੋਣਾ ਚਾਹੁੰਦੇ ਨੇ ‘ਬਿਗ ਬੀ’ ਸ਼ਾਹਰੁਖ ਦੀ ਵੈਨਿਟੀ ਵੈਨ ਵਿਚੋਂ ਸਲਾਦ ਚੁੱਕਿਆ!

ਸੰਪੰਨ ਹੋਏ ਇਕ ਪੁਰਸਕਾਰ ਸਮਾਰੋਹ ਵਿਚ ਲਾਈਫਟਾਈਮ ਅਚੀਵਮੈਂਟ ਐਵਾਰਡ ਹਾਸਲ ਹੋਣ ਤੋਂ ਅੰਮਿਤਾਬ ਬਾਅਦ ਥੋੜੇ ਭਾਵੁਕ ਹੋ ਗਏ। ਉਨ੍ਹਾਂ ਕਿਹਾ ਕਿ ਬੇਟੇ ਅਭਿਸ਼ੇਕ ਬੱਚਨ ਨੂੰ ਹਾਲੇ ਬਹੁਤ ਅੱਗੇ ਜਾਣਾ ਹੈ ਪਰ ਉਨ੍ਹਾਂ ਲਈ ਹੁਣ ਸੀਮਿਤ ਵਿਕਲਪ ਬਚੇ ਹਨ। ਸ਼ਹਿਨਸ਼ਾਹ ਦੀ ਚੋਰੀ ਅਤੇ ਸੀਨਾ ਜੋਰੀ : ਬਾਲੀਵੁੱਡ ਦੇ ਸ਼ਹਿਨਸ਼ਾਹ ਅਮਿਤਾਬ ਬੱਚਨ ਨੇ ਇਹ ਸਿੱਧ ਕਰ ਦਿੱਤਾ ਹੈ ਕਿ ‘ਪਾ’ ਵਿਚ ਨਿਭਾਏ ਗਏ ਕਿਰਦਾਰ ‘ਆਰੋ’ ਤੋਂ ਅਸਲ ਜ਼ਿੰਦਗੀ ਵਿਚ ਉਹ ਕਿਸੇ ਤਰ੍ਹਾਂ ਵੀ ਘੱਟ ਨਹੀਂ ਹਨ। ਅਜੇ ਹਾਲ ਹੀ ਵਿਚ ਹੋਏ ਇਕ ਪੁਰਸਕਾਰ ਸਮਾਰੋਹ ਵਿਚ ਜਾਂਦੇ ਹੋਏ ਬੱਚਨ ਨੇ ਬਾਦਸ਼ਾਹ ਸ਼ਾਹਰੁਖ ਖਾਨ ਦੀ ਵੈਨਿਟੀ ਵੈਨ ਤੋਂ ਖਾਣਾ ਚੋਰੀ ਕਰ ਲਿਆ। ਜੇ ਤੁਹਾਨੂੰ ਲੱਗਦਾ ਹੈ ਕਿ ਉਨ੍ਹਾਂ ਦਾ ਬਚਪਨਾ ਇਥੇੋਂ ਤੱਕ ਸੀਮਤ ਸੀ ਤਾਂ ਜਨਾਬ ਤੁਸੀਂ ਗਲਤ ਹੋ। ਉਨ੍ਹਾਂ ਨੇ ਪਹਿਲਾਂ ਚੋਰੀ ਕੀਤੀ ਅਤੇ ਉਸ ਤੋਂ ਬਾਅਦ ਸੀਨਾ ਜੋਰੀ ਦੀ ਤਰਜ ’ਤੇ ਇਸ ਦਾ ਐਲਾਨ ਆਪਣੇ ਬਲਾਗ ’ਤੇ ਕੀਤਾ। ਉਨ੍ਹਾਂ ਲਿਖਿਆ ਹੈ ਕਿ ਆਉਣ ਵਾਲੀ ਫਿਲਮ ‘ਤਿੰਨ ਪੱਤੀ’ ਦੇ ਪ੍ਰਮੋਸ਼ਨ ਲਈ ਉਹ ਆਪਣੀ ਵੈਨਿਟੀ ਵੈਨ ਵਿਚ ਤਿਆਰ ਹੋ ਰਹੇ ਸਨ। ਇਸ ਵਿਚ ਉਨ੍ਹਾਂ ਨੂੰ ਕਾਫੀ ਜ਼ੋਰ ਨਾਲ ਭੁੱਖ ਲੱਗਣ ਲੱਗੀ। ਆਪਣੀ ਵੈਨ ਪੇਟ ਦੀ ਜਵਾਲਾ ਸ਼ਾਂਤ ਕਰਨ ਦਾ ਜਦੋਂ ਕੋਈ ਸਮਾਨ ਉਨ੍ਹਾਂ ਨੂੰ ਨਹੀਂ ਮਿਲਿਆ ਤਾਂ ਉਨ੍ਹਾਂ ਨੇ ਬਾਹਰ ਨਿਕਲ ਕੇ ਆਸ ਪਾਸ ਉਸ ਦੀ ਤਲਾਸ਼ ਕਰਨ ਦੀ ਸੋਚੀ। ਉਹ ਆਪਣੀ ਵੈਨ ਤੋਂ ਬਾਹਰ ਨਿਕਲੇ ਤਾਂ ਦੇਖਿਆ ਕੋਲ ਹੀ ਸ਼ਾਹਰੁਖ ਖਾਨ ਦੀ ਵੈਨਿਟੀ ਵੈਨ ਖੜ੍ਹੀ ਸੀ, ਉਹ ਬਿਨਾਂ ਦੇਰ ਕੀਤੇ ਉਸ ਵਿਚ ਘੁਸ ਗਏ ਅਤੇ ਉਥੋਂ ਥੋੜਾ ਜਿਹਾ ਸਲਾਦ ਚੋਰੀ ਕਰ ਲਿਆਏ। ਉਨ੍ਹਾਂ ਬਰੀਕੀ ਨਾਲ ਇਸ ਘਟਨਾ ਦਾ ਉਲੇਖ ਕਰਨ ਤੋਂ ਬਾਅਦ ਲਿਖਿਆ ਹੈ ਕਿ ਸਲਾਦ ਨਾ ਮਿਲਣ ’ਤੇ ਸ਼ਾਹਰੁਖ ਨੂੰ ਦੁਖ ਹੋਇਆ ਹੋਵੇਗਾ। ਜ਼ਿਕਰਯੋਗ ਹੈ ਕਿ ਸਦਾਬਹਾਰ ਫਿਲਮ ਅਭਿਨੇਤਾ ਅਮਿਤਾਭ ਬਚਨ ਨੇ ਫਿਲਮ ਨਗਰੀ ਵਿਚ ਆਪਣੀ ਇਕ ਅਲੱਗ ਹੀ ਪਛਾਣ ਬਣਾ ਲਈ ਹੈ।

ਮੁਗੱਦਾ ਦਾ ਗੁੱਸਾ

 ਥੋੜੀ ਜਿਹੀ ਕਾਮਯਾਬੀ ਤੋਂ ਬਾਅਦ ਅਕਰਸ ਫਿਲਮੀ ਸਿਤਾਰੇ ਅੰਧਵਿਸ਼ਵਾਸੀ ਹੋ ਹੀ ਜਾਂਦੇ ਹਨ। ਅੰਧ-ਵਿਸ਼ਵਾਸੀ ਅਭਿਨੇਤਰੀਆਂ ’ਚ ਮੁਗਧਾ ਗੋਡਸੇ ਵੀ ਪਿੱਛੇ ਨਹੀਂ। ‘ਆਲ ਦਾ ਬੈਸਟ’ ਹੋਵੇ ਜਾਂ ‘ਜੇਲ੍ਹ’ ਨਾਇਕਾ ਮੁਗਧਾ ਗੋਡਸੇ ਨੂੰ ਆਪਣੀਆਂ ਦੋਵਾਂ ਫ਼ਿਲਮਾਂ ’ਚ ਭੂਮਿਕਾਵਾਂ ਵਧੀਆ ਲੱਗੀਆਂ। ਇਕ ’ਚ ਉਸ ਨੇ ਹਸਾਇਆ ਸੀ ਤੇ ਇਕ ਵਿਚ ਰਵਾਇਆ। ਵਧੀਆ ਮਾਡਲ ਮੁਗਧਾ ਨੇ ਕਿਹਾ ਕਿ ਜਦ ਚੰਗੇ ਕਿਰਦਾਰ ਵਾਲੀਆਂ ਫ਼ਿਲਮਾਂ ਮਿਲਣ ਤਾਂ ਕਿਹੜਾ ਪਾਗਲ ਮਾਡ¦ਿਗ ਨਾਲ ਜੱਫੀ ਪਾਈ ਰੱਖੇਗਾ। ਫ਼ਿਲਮ ‘ਫੈਸ਼ਨ’ ਤੋਂ ਪਹਿਲਾਂ ਮੁਗਧਾ ਨੇ ਬਹੁਤ ਸਾਰੇ ਵਿਗਿਆਪਨ ਕੀਤੇ ਅਤੇ ਉਸੇ ਹੀ ਮਾਡ¦ਿਗ ਜਿਸ ਨੂੰ ਉਹ ਹੁਣ ਬੁਰਾ-ਭਲਾ ਕਹਿ ਰਹੀ ਹੈ, ਨਾਲ ਪੰਜ ਸਾਲ ਸੰਬੰਧਿਤ ਰਹੀ। Read More..

ਐਸ਼-ਅਭਿਸ਼ੇਕ ਦਾ ਪਿਆਰ

ਐਸ਼-ਅਭਿਸ਼ੇਕ ਦਾ ਪਿਆਰ ਇਕ ਸਾਬਣ ਦੀ ਮਸ਼ਹੂਰੀ ਲਈ ਬਿੱਗ ਬੀ. ਦੀ ਨੂੰਹ ਨੇ ਆਪਣੇ ਪਤੀ ਦੇਵ ਨਾਲ ਕੰਮ ਕਰਕੇ 25 ਕਰੋੜ ਰੁਪਏ ਆਪਣੇ ਘਰ ਦੀ ਤਿਜੌਰੀ ’ਚ ਪਾ ਲਏ ਹਨ। ਬਈ ਕਮਾਲ ਤਾਂ ਇਹ ਹੈ ਕਿ ਇਸ ਮਸ਼ਹੂਰੀ ’ਚ ਮੈਡਮ ਐਸ਼ਵਰਿਆ ਬੱਚਨ ਨੇ ਆਪਣੇ ਜੀਵਨ ਸਾਥੀ ਅਭਿਸ਼ੇਕ ਬੱਚਨ ਨਾਲ ਬੇਹੱਦ ਕਾਮੁਕ ਹਾਵ-ਭਾਵ ਉਜਾਗਰ ਕੀਤੇ ਹਨ। ਆਖਿਰ ਪ੍ਰੇਮ ਦਾ ਖੁੱਲ੍ਹਾ ਇਜ਼ਹਾਰ ਐਸ਼ਵਰਿਆ ਨੇ ਪਤੀ ਅਭਿਸ਼ੇਕ ਪ੍ਰਤੀ ਇਸ ਵਿਗਿਆਪਨ ’ਚ ਕਰਕੇ ਦਰਸਾਇਆ ਹੈ ਕਿ ਅਭਿਸ਼ੇਕ ਦੇ ਪਿਆਰ ਪ੍ਰਤੀ ਅਜੇ ਵੀ ਉਹ ਨੱਕੋ-ਨੱਕ ਭਰੀ ਹੋਈ ਹੈ। ‘ਰਾਵਣ’, ‘ਗੁਜ਼ਾਰਿਸ਼’, ‘ਐਕਸ਼ਨ ਰੀਪਲੇਅ’ ਫ਼ਿਲਮਾਂ ਤੇਜ਼ੀ ਨਾਲ ਮੁਕੰਮਲ ਕਰ ਚੁੱਕੀ ਐਸ਼ਵਰਿਆ ਨਵੇਂ ਸਾਲ ’ਚ ਆਪਣੀ ਗੋਦ ਹਰੀ ਕਰਨ ਵਾਲੀ ਹੈ। ਉਸ ਮੁਤਾਬਿਕ ਉਸ ਦੀ ਨਵੀਂ ਫ਼ਿਲਮ ‘ਰਾਵਣ’ ਆਮ ਵਪਾਰਕ ਫ਼ਿਲਮ ਹੈ ਨਾ ਕਿ ਧਾਰਮਿਕ। ਮਣੀਰਤਨਮ ਦੇ ਗੁਣ ਵਾਰ-ਵਾਰ ਗਾ ਰਹੀ ਅਭਿਸ਼ੇਕ ਰਿਤਿਕ ਨਾਲ ਵੀ ਕੰਮ ਕਰ ਰਹੀ ਹੈ ਤੇ ਅਕਸ਼ੈ ਨਾਲ ਵੀ। ਆਖਿਰ ਕੰਮ ਤਾਂ ਕੰਮ ਹੈ। Read More..

ਮੈਂ ਪੰਜਾਬਣ ਸ਼ੌਕੀਣ ਸਰੋਂ ਦੇ ਸਾਗ ਦੀ’-ਹੰਸਿਕਾ

ਸਵੇਰੇ ਉਠ ਕੇ ਸਭ ਤੋਂ ਪਹਿਲਾਂ ਮੈਂ ਪਾਣੀ ਪੀਂਦੀ ਹਾਂ। ਫਿਰ ਇਕ ਕਟੋਰੀ ਜਵੀ ਜਾਂ ਪਾਪੜ ਖਾਂਦੀ ਹਾਂ। ਫਿਰ ਗਿਆਰਾਂ ਕੁਵਜੇ ਹਰੀ ਚਾਹ ਦਾ ਇਕ ਕੱਪ ਪੀਂਦੀ ਹਾਂ। ਮੈਂ ਸ਼ਾਕਾਹਾਰੀ ਹਾਂ ਅਤੇ ਹਰ ਤਿੰਨ ਘੰਟੇ ਬਾਅਦ ਕੁਝ ਨਾ ਕੁਝ ਖਾਂਦੀ ਰਹਿੰਦੀ ਹਾਂ। ਦੁਪਹਿਰ ਦੇ ਖਾਣੇ ’ਚ ਇਕ ਕਟੋਰੀ ਦਹੀਂ ਅਤੇ ਫਰੂਟ, ਇਡਲੀ, ਉਬਲੀ ਹੋਈ ਦਾਲ ਅਤੇ ਇਕ ਰੋਟੀ ਖਾਂਦੀ ਹਾਂ। ਹਾਂ ਇਹ ਗੱਲ ਜ਼ਰੂਰ ਹੈ ਕਿ ਮੈਂ ਦੁਪਹਿਰ ਦਾ ਖਾਣਾ ਪੂਰੇ ਡੇਢ ਵਜੇ ਖਾ ਲੈਂਦੀ ਹਾਂ। ਕਦੇ-ਕਦੇ ਮੈਂ ਸਿਰਫ਼ ਫਰੂਟ ਖਾਂਦੀ ਹਾਂ। ਵੈਸੇ ਮੈਂ ਕੋਸ਼ਿਸ਼ ਕਰਦੀ ਹਾਂ ਕਿ ਮੇਰਾ ਨਿਊਟ੍ਰਿਸਟ ਜੋ ਕਹੇ ਉਸ ਦੇ ਮੁਤਾਬਿਕ ਹੀ ਖਾਵਾਂ। ਸ਼ਾਕਾਹਾਰੀ ਖਾਣੇ ਵਿਚ ਮੈਂ ਪਨੀਰ ਖਾਣਾ ਬਹੁਤ ਪਸੰਦ ਕਰਦੀ ਹਾਂ। ਸ਼ਾਕਾਹਾਰੀਆਂ ਲਈ ਇਹ ਬੜੀ ਲਾਜੀਜ਼ ਡਿਸ਼ ਹੈ। Read More..

ਪਿੰਡ ਭਾਗਸਰ ਵਿਖੇ ‘ਦੋ ਪੈਰ ਘੱਟ ਤੁਰਨਾ’ ਪ੍ਰੋਗਰਾਮ ਦੀ ਰਿਕਾਰਡਿੰਗ ਕੀਤੀ ਗਈ

ਮੁਕਤਸਰ, 30 ਦਸੰਬਰ (ਸ਼ਮਿੰਦਰਪਾਲ)- ਪੰਜਾਬੀ ਯੂਥ ਕਲੱਬ ਅਤੇ ਲੋਕ ਗਾਇਕ ਕਲਾਂ ਮੰਚ ਮੁਕਤਸਰ ਦੇ ਸਹਿਯੋਗ ਨਾਲ ਸਰਕਾਰੀ ਸੈਕੰਡਰੀ ਸਕੂਲ(ਲੜਕੇ) ਭਾਗਸਰ ਵਿਖੇ ਪੰਜਵਾਂ ਸੱਭਿਆਚਾਰਕ ਮੇਲਾ ‘ਦੋ ਪੈਰ ਘੱਟ ਤੁਰਨਾ’ ਕਰਵਾਇਆ ਗਿਆ। ਮੇਲੇ ਦਾ ਉਦਘਾਟਨ ਮਾਰਕੀਟ ਕਮੇਟੀ ਮੁਕਤਸਰ ਦੇ ਚੇਅਰਮੈਨ ਸ: ਜਗਜੀਤ ਸਿੰਘ ਹਨੀ ਬਰਾੜ ਨੇ ਕੀਤਾ। ਜਦੋਂ ਕਿ ਮੇਲੇ ਦੇ ਮੁੱਖ ਮਹਿਮਾਨ ਸ: ਮਨਜੀਤ ਸਿੰਘ ਸੰਧੂ ਸ਼ੇਰੇਵਾਲਾ ਚੇਅਰਮੈਨ ਜਿਲਾ ਪ੍ਰੀਸ਼ਦ ਮੁਕਤਸਰ ਸਨ। ਵੋਮੈਨ ਸੈਲ ਪੰਜਾਬ ਦੀ ਸਾਬਕਾ ਚੇਅਰਪਰਸਨ ਸ੍ਰੀਮਤੀ ਜਗਸੀਰ ਕੌਰ ਸੰਧੂ, ਅਕਾਲੀ ਆਗੂ ਸ: ਗੁਰਚਰਨ ਸਿੰਘ ਮਹਾਂਬੱਧਰ ਤੇ ਯੂਥ ਅਕਾਲੀ ਆਗੂ ਸ੍ਰੀ ਰਵੀ ਸੇਖੋਂ ਚਿੱਬੜਾਂਵਾਲੀ ਵਿਸ਼ੇਸ਼ ਮਹਿਮਾਨ ਸਨ। ਸੱਭਿਆਚਾਰਕ ਪ੍ਰੋਗਰਾਮ ਦੀ ਸ਼ੁਰੂਆਤ ਗੁਰਦੀਪ ਸਿੰਘ ਦੇ ਕਵਿਸ਼ਰੀ ਜਥੇ ਨੇ ਕੀਤੀ। ਉਸ ਤੋਂ ਬਾਅਦ ਉੱਘੇ ਗਾਇਕ ਬਲਧੀਰ ਮਾਹਲਾ, ਭੋਲਾ ਯਮਲਾ, ਗੁਰਸੇਵਕ ਚੰਨ, ਬਾਬਾ ਅੰਗਰੇਜ਼, ਗੁਰਚਰਨ ਚਰਨਾ, ਜਗਸੀਰ ਜੱਗਾ, ਜਸਵਿੰਦਰ ਮਾਨ, ਪੰਮਾ ਪੂਹਲਾ, ਗੁਰਮੇਲ ਮਾਗਟ, ਵੀਰ ਬਲਜਿੰਦਰ, ਗੁਰਚਰਨ ਸੱਲਣ, ਹੈਪੀ ਰੁਪਾਣਾ, ਜੱਗੀ ਪੂਹਲੀ, ਬੂਟਾ ਸੋਨੀ, ਜੰਗ ਦਰਦੀ, ਮਿੱਠੂ ਚੰਨ, ਬਿੰਦਰ ਸੁਹੇਲੇਵਾਲਾ ਤੇ ਪ੍ਰਗਟ ਗੰਧੜ ਆਦਿ ਨੇ ਆਪੋਂ ਆਪਣੇ ਗੀਤਾਂ ਨਾਲ ਦਰਸ਼ਕਾ ਨੂੰ ਕੀਲੀ ਰੱਖਿਆ। ਫੇਰ ‘ ਮਾਝੇ ਦੀਏ ਮੋਮਬੱਤੀਏ’ ਵਾਲੀ ਗਾਇਕਾ ਜਸਪਾਲ ਜੱਸੀ ਨੇ ਲੋਕ ਤੱਥ ਤੇ ਸੋਹਣਿਆ ਸੱਜਣਾ ਆਦਿ ਗੀਤ ਗਾ ਕੇ ਬੱਲੇ-ਬੱਲੇ ਕਰਵਾਈ। ਗਾਇਕਾ ਅਮਰਜੀਤ ਮੰਡੇਰ ਮੋਹਾਲੀ, ਬੀਬਾ ਅਮਨ ਢਿੱਲੋਂ, ਬੀਬਾ ਪਰਮਜੀਤ ਪੰਮੀ ਨੇ ਵੀ ਵਧੀਆ ਅਦਾਕਾਰੀ ਦਿਖਾਈ। ਤਾੜੀਆਂ ਦੀ ਆਵਾਜ ਵਿੱਚ ਕਰਤਾਰ ਰਮਲਾ ਤੇ ਤੇਜਵੀਰ ਰਾਜੂ ਸਟੇਜ਼ ਤੇ ਪੁੱਜੇ। ਇਸ ਜੋੜੀ ਨੇ ਪਤਾ ਲੱਗੂ ਜਦੋਂ ਚੌਲ ਖੁਵਾਤੇ ਭਈਆਂ ਨੇ ਤੇ ਹੋ ਗਈ ਫੇਲ ਮੈਂ ਪਲੱਸ ਟੂ ਚੋਂ ਚੰਨਾ ਆਦਿ ਗੀਤ ਗਾ ਕੇ ਵਾਹ-ਵਾਹ ਖੱਟੀ। ਇਸ ਤੋਂ ਬਾਅਦ ਛਿੰਦਾ ਬਰਾੜ-ਕਰਨਪ੍ਰੀਤ ਕੌਰ, ਬਲਦੇਵ ਲਹਿਰੀ-ਨੀਤੂ ਘੋਲੀਆ, ਜਸਵਿੰਦਰ ਜੱਸੂ-ਸਪਨਾ ਬਰਾੜ, ਜੱਸ ਬਾਈ-ਕੋਮਲ ਗਿੱਲ, ਰਾਣਾ ਰਣਜੀਤ-ਕਮਲਜੀਤ ਰਾਣੀ, ਗੁਰਮੇਲ ਵਧਾਈਆਂ ਵਾਲਾ-ਰੁਪਿੰਦਰ ਕੌਰ, ਭੱਟੀ ਭਾਗਸਰ ਵਾਲਾ-ਰਮਨਦੀਪ ਭੁੱਲਰ, ਨਿਰਮਲ ਸਿੱਧੂ-ਨਿਰਮਲ ਜੋਤ, ਗੁਰਨਾਮ ਕੋਮਲ-ਸੰਦੀਪ ਧਾਲੀਵਾਲ, ਰਾਜਿੰਦਰ ਹੀਰਾ-ਮਨਜੀਤ ਮਾਨ, ਸੁਖਵੰਤ ਆਲਮ-ਕੁਲਦੀਪ ਦੀਪੂ, ਕਰਨੈਲ ਸ਼ੌਕੀ-ਮਨਜੀਤ ਸੇਖੋਂ ਆਦਿ ਦੋਗਾਣਾ ਜੋੜੀਆਂ ਨੇ ਚੰਗਾ ਰੰਗ ਬੰਨਿਆ। ਇਸ ਮੇਲੇ ਦੀ ਰਿਕਾਰਡਿੰਗ ਟੀ ਵੀ ਪ੍ਰੋਗਰਾਮ ‘ਦੋ ਪੈਰ ਘੱਟ ਤੁਰਨਾ’ ਲਈ ਸੁਖਪਾਲ ਸਿੰਘ ਢਿੱਲੋਂ ਦੀ ਨਿਰੇਦਸ਼ਨਾ ਹੇਠ ਕੀਤੀ ਗਈ। ਇਸ ਸਮੇਂ ਸ: ਬਲਕਰਨ ਸਿੰਘ ਬਰਾੜ, ਸੁਖਪਾਲ ਸਿੰਘ ਗਿੱਲ, ਗੁਰਦੀਪ ਸਿੰਘ ਬਰਾੜ ਤੇ ਸਰਬਨ ਸਿੰਘ ਧਾਲੀਵਾਲ ਆਦਿ ਨੇ ਵਿਸ਼ੇਸ਼ ਯੋਗਦਾਨ ਦਿੱਤਾ। ਮੇਲੇ ਵਿੱਚ ਜਥੇਦਾਰ ਜੰਗੀਰ ਸਿੰਘ, ਸਰਬਨ ਸਿੰਘ ਬਰਾੜ, ਪ੍ਰਕਾਸ਼ ਸਿੰਘ ਪੱਪਾ, ਬਲਕਾਰ ਸਿੰਘ ਬਰਾੜ, ਰੁਪਿੰਦਰ ਸੇਖੋਂ, ਪ੍ਰੀਤ ਭੰਗਚੜੀ, ਜਸਵੀਰ ਭੁੱਲਰ, ਸ਼ਮਿੰਦਰਪਾਲ, ਭੁਪਿੰਦਰ ਕੁਮਾਰ ਤੇ ਨਿਰਭੋਲ ਸਿੰਘ ਆਦਿ ਸ਼ਖਸੀਅਤਾ ਮੌਜ਼ੂਦ ਸਨ।
ਫੋਟੋ ਕੈਪਸ਼ਨ: ਪਿੰਡ ਭਾਗਸਰ ਵਿਖੇ ਕਰਵਾਏ ਗਏ ਪੰਜਵੇਂ ਸੱਭਿਆਚਾਰਕ ਮੇਲੇ ਦੌਰਾਨ ਕਰਤਾਰ ਰਮਲਾ, ਸਪਨਾ ਬਰਾੜ, ਜਸਵਿੰਦਰ ਜੱਸੂ ਤੇ ਜਸਪਾਲ ਜੱਸੀ ਕਲਾਕਾਰ ਆਪਣੀ ਗਾਇਕੀ ਦਾ ਜੌਹਰ ਦਿਖਾਉਂਦੇ ਹੋਏ।
ਫੋਟੋ: ਸ਼ਮਿੰਦਰਪਾਲ ਮੁਕਤਸਰ

ਤੇਰੀ ਮੇਰੀ ਇਕੋ ਜਿੰਦੜੀ’ ਅਤੇ ਭੋਜਪੁਰੀ ਵਿਚ ਬਣਨ ਵਾਲੀ ‘ਹਮ ਤੁਮਾਰ ਤੁਮ ਹਮਾਰ’ ਵਿੱਚ ਸਖਤ ਐਸਐਸਪੀ ਦੀ ਭੂਮਿਕਾ ਨਿਭਾਈ ਲਾਰਡ ਕ੍ਰਿਸ਼ਨਾ ਪੋਲੀਟੈਕਨੀਕਲ ਕਾਲਜ ਦੇ ਚੇਅਰਮੈਨ ਇੰਦਰਜੀਤ ਸਿੰਘ ਸਿੱਧੂ ਨੇ

ਤੇਰੀ ਮੇਰੀ ਇਕੋ ਜਿੰਦੜੀ’ ਅਤੇ ਭੋਜਪੁਰੀ ਵਿਚ ਬਣਨ ਵਾਲੀ ‘ਹਮ ਤੁਮਾਰ ਤੁਮ ਹਮਾਰ’ ਵਿੱਚ ਸਖਤ ਐਸਐਸਪੀ ਦੀ ਭੂਮਿਕਾ ਨਿਭਾਉਂਦੇ ਹੋਏ ਕਾਲਜ ਦੇ ਚੇਅਰਮੈਨ ਇੰਦਰਜੀਤ ਸਿੰਘ ਸਿੱਧੂ

ਕਪੂਰਥਲਾ 24 ਦਸੰਬਰ (ਅਸ਼ੋਕ ਗੋਗਨਾ/ਕਾਲੀਆ)ਸਿੱਖਿਆ ਦੇ ਖੇਤਰ ਵਿੱਚ ਪੰਜਾਬ ਭਰ ਵਿਚ ਨਾਮਣਾ ਖੱਟਣ ਵਾਲੇ ਲਾਰਡ ਕ੍ਰਿਸ਼ਨਾ ਪੋਲੀਟੈਕਨੀਕਲ ਕਾਲਜ ਕਪੂਰਥਲਾ ਦੇ ਚੇਅਰਮੈਨ ਇੰਦਰਜੀਤ ਸਿੰਘ ਸਿੱਧੂ ਨੇ ਹੁਣ ਪੰਜਾਬੀ ਅਤੇ ਭੋਜਪੁਰੀ ਤੇ ਹਿੰਦੀ ਫਿਲਮਾਂ ਵਿਚ ਵੀ ਪ੍ਰਵੇਸ਼ ਕਰ ਲਿਆ ਹੈ। ਜਿਸਦਾ ਅਗਾਜ ਉਨਾਂ ਪੰਜਾਬੀ ਵਿੱਚ ਬਣਨ ਵਾਲੀ ਸਾਗਰ ਇੰਟਰਨੈਸ਼ਨਲ ਬੰਬੇ ਦੇ ਬੈਨਰ ਹੇਠ ਬਣਨ ਵਾਲੀ ਬਨਣ ਵਾਲੀ ‘ਤੇਰੀ ਮੇਰੀ ਇਕੋ ਜਿੰਦੜੀ’ ਅਤੇ ਭੋਜਪੁਰੀ ਵਿਚ ਬਣਨ ਵਾਲੀ ‘ਹਮ ਤੁਮਾਰ ਤੁਮ ਹਮਾਰ’ ਵਿੱਚ ਸਖਤ ਐਸਐਸਪੀ ਦੀ ਭੂਮਿਕਾ ਨਿਭਾਈ, ਜਿਸਦੀ ਸ਼ੂਟਿੰਗ ਉਨਾਂ ਆਪਣੇ ਕਾਲਜ ਦੇ ਸੁੰਦਰ ਕੁਦਰਤੀ ਨਜਾਰਿਆ ਵਿਚ ਕੀਤੀ। ਵਰੇ 2003 ਵਿੱਚ ਕਪੂਰਥਲੇ ਦੇ ਪਿਛਲੇ ਖੇਤਰ ਸੁਭਾਨਪੁਰ ਰੋਡ ਤੇ ਪੈਂਦੇ ਪਿੰਡ ਨਿਜ਼ਾਮਪੁਰ ਵਿਚ ਕਰੋੜਾ ਰੁਪਏ ਦੀ ਲਾਗਤ ਨਾਲ ਬਣੇ ਲਾਰਡ ਕ੍ਰਿਸ਼ਨਾ ਪੋਲੀਟੈਕਨੀਕਲ ਕਾਲਜ ਦੇ ਚੇਅਰਮੈਨ ਦਾ ਐਕਟਿੰਗ ਖੇਤਰ ਵਿੱਚ ਆਉਣਾ ਕੋਈ ਨਵੀਂ ਗੱਲ ਨਹੀਂ ਹੈ। ਸ੍ਰੀ ਸਿੱਧੂ ਨੇ ਦੱਸਿਆ 1976 ਤੋਂ ਲੈ 1981 ਤੱਕ ਸਰਕਾਰੀ ਕਾਲਜ ਮੁਕਤਸਰ ਵਿਚ ਪੜਾਈ ਦੇ ਦੌਰਾਨ ਬੰਬਈ ਦੇ ਮਸ਼ਹੂਰ ਐਕਟਰ ਮੰਗਲ ਢਿਲੋਂ ਜੋ ਕਿ ਉਨਾਂ ਦੇ ਸੀਨੀਅਰ ਵਿਦਿਆਰਥੀ ਵੀ ਸਨ। ਉਨਾਂ ਨਾਲ ਕਈਆਂ ਨਾਟਕਾਂ ਤੇ ਸਕਿੱਟਾਂ ਵਿਚ ਭਾਗ ਲੈ ਕੇ ਚੰਗਾ ਨਾਮਨਾ ਖੱਟਿਆ। ਜਿਸਦੇ ਬਾਅਦ ਉਨਾਂ ਨੇ ਕਾਲਜ ਦੀ ਬਾਸਕਟਬਾਲ ਦੀ ਟੀਮ ਦੇ ਕਪਤਾਨ ਵੀ ਰਹੇ। ਵਰੇ 1992 ਵਿਚ ਤਕਨੀਕੀ ਸਿੱਖਿਆ ਖੇਤਰ ਵਿਚ ਸ਼ੁਰੂਆਤ ਕਰਨ ਤੋਂ ਬਾਅਦ ਸਿੱਧੂ ਨੇ ਇਸ ਸ਼ੋਕ ਨੂੰ ਫਿਰ ਤੋਂ ਜਿੰਦਾ ਕੀਤਾ ਹੈ। ਇੰਨਾ ਦੋਨਾ ਫਿਲਮਾਂ ਵਿਚ ਸਖਤ ਅਤੇ ਇਮਾਨਦਾਰੀ ਦੀ ਭੂਮਿਕਾ ਨਿਭਾਉਣ ਵਾਲੇ ਸਿੱਧੂ ਨੂੰ ਉਮੀਦ ਹੈ ਕਿ ਕਰੀਬ 10 ਮਹੀਨਿਆ ਤੋਂ ਬਾਅ ਆਉਣ ਵਾਲੀਆ। ਇਹ ਦੋਨੋ ਫਿਲਮਾਂ ਨੂੰ ਪੰਜਾਬ, ਬਿਹਾਰ ਅਤੇ ਦਿੱਲੀ ਵਿਚ ਭਰਪੂਰ ਹੁੰਗਾਰਾ ਮਿਲੇਗਾ। ਕਿਉਂਕਿ ਇੰਨਾ ਦੋਨਾਂ ਫਿਲਮਾਂ ਵਿਚ ਸਖ਼ਤ ਅਤੇ ਇਮਾਨਦਾਰੀ ਦੀ ਭੂਮਿਕਾ ਨਿਭਾਉਣ ਵਾਲੇ ਸ੍ਰੀ ਸਿੱਧੂ ਨੂੰ ਉਮੀਦ ਹੈ ਕਿ ਕਰੀਬ 10 ਮਹੀਨਿਆਂ ਤੋਂ ਬਾਅਦ ਆਉਣ ਵਾਲੀਆ। ਇਸ ਦੋਨਾਂ ਫਿਲਮਾਂ ਨੂੰ ਪੰਜਾਬ, ਬਿਹਾਰ ਅਤੇ ਦਿੱਲੀ ਵਿਚ ਭਰਪੂਰ ਹੁੰਗਾਰਾ ਮਿਲੇਗਾ। ਕਿਉਂਕਿ ਇੰਨਾ ਖੂਬਸੂਰਤ ਕੀਮਤੀ ਨਜਾਰਿਆ ਦਾ ਲੋਕ ਮਜਾ ਉਠਾਣਗੇ। ਜ਼ਿਕਰਯੋਗ ਹੈ ਕਿ ਇਸ ਫਿਲਮ ਦੇ ਗਾਣਿਆ ਦੀ ਸ਼ੂਟਿੰਗ ਕਾਲਜ ਦੇ ਕੈਂਪਸ ਵਿਚ ਵੀ ਹੋ ਚੁੱਕੀ ਹੈ।

ਗੁਰਮੀਤ ਰਾਹੀ ਤੇ ਊਸ਼ਾ ਹੀਰਾ ਦੀ ਧਾਰਮਿਕ ਕੈਸਿਟ ਜਲਦ ਹੀ

ਜਰਗ,ਜੌੜੇਪੁਲ 16 ਦਸੰਬਰ (ਨਰਪਿੰਦਰ ਸਿੰਘ ਬੈਨੀਪਾਲ) ‘‘ਬੜਕ’’ ਕੈਸਿਟ ਦੇ ਗੀਤ ਇਕ ਗਭਰੂ ਦੇ ਨਾਲ ਮੈਨੂੰ ਪਿਆਰ ਹੋ ਗਿਆ ਹਿੱਟ ਗੀਤ ਨਾਲ ਚਰਚਾ ‘ਚ ਰਹਿਣ ਵਾਲੀ ਗਾਇਕ ਜੋੜੀ ਗੁਰਮੀਤ ਰਾਹੀ ਤੇ ਊਸ਼ਾ ਹੀਰਾ ਜਲਦੀ ਹੀ ਲੈ ਕੇ ਆ ਰਿਹੇ ਨੇ ਆਪਣੀ ਧਾਰਮਿਕ ਕੈਸਿਟ। ਇਸ ਕੈਸਿਟ ਬਾਰੇ ਜਾਣਕਾਰੀ ਦਿੰਦਿਆ ਗਾਇਕ ਜੋੜੀ ਨੇ ਦੱਸਿਆਂ ਕਿ ਜਲਦ ਹੀ ਰਿਲਿਜ਼ ਹੋਣ ਵਾਲੀ ਧਾਰਮਿਕ ਕੈਸਿਟ ਸਾਕਾ ਸਰਹੰਦ ਨੂੰ ਸਮਰਪਿਤ ਹੈ। ਜਿਸ ਨੂੰ ਐਸ.ਏ.ਵੀ. ਕੰਪਨੀ ਵੱਲੋਂ ਰਿਲਿਜ਼ ਕੀਤਾ ਜਾਂ ਰਿਹਾ ਹੈ। ਇਸ  ਕੈਸਿਟ ਦੇ ਗੀਤਾ ਨੂੰ ਪੰਜਾਬ ਦੇ ਨਾਮਵਰ ਗੀਤਕਾਰ ਹੈਪੀ ਲਲਹੇੜੀ, ਲੀਲ ਦਿਆਲਪੁਰੀ, ਪ੍ਰਮਾਣ ਭਾਮੀਆਂ, ਸੁੱਖੀ ਭਮਾਰਸੀ ਜੀ ਨੇ ਲਿਖਿਆ ਹੈ।  ਕੈਸਿਟ ਦਾ ਸੰਗੀਤ ਸੰਗੀਤਕਾਰ ਮੇਜਰ ਜਗਦੀਸ਼ ਜੀ ਨੇ ਤਿਆਰ ਕੀਤਾ ਹੈ। ਇਸ ਕੈਸਿਟ ਦੇ ਵੀਡੀਓ ਆਰ.ਕੇ. ਮੈਨਰੋ ਵੀਡੀਓ ਡਾਇਰੈਕਟਰ ਨੇ ਵੱਖ-ਵੱਖ ਖੂਬਸੂਰਤ ਲੋਕੇਸ਼ਨਾ ਤੇ ਫ਼ਿਲਮਾਏ ਹਨ। ਉਹਨਾਂ ਨੇ ਕਿਹਾ ਕਿ ਅਸੀ ਆਸ ਕਰਦਾ ਹਾਂ ਕਿ ਸਰੋਤਿਆਂ ਨੇ ਜਿਸ ਤਰਾਂ ਸਾਡੀਆਂ ਪਹਿਲੀਆਂ ਕੈਸਿਟਾਂ ਨੂੰ ਪਿਆਰ ਦਿੱਤਾਂ ਹੈ। ਉਸੇ ਤਰਾਂ ਇਸ ਕੈਸਿਟ ਨੂੰ ਵੀ ਪਿਆਰ ਦੇਣਗੇ। ਇਸ ਮੌਕੇ ਤੇ ਲੋਕ ਗਾਇਕ ਲਖਵੀਰ ਲੱਕੀ ਖੰਨਾ, ਗੀਤਕਾਰ ਪ੍ਰੀਤ ਟਿਵਾਣਾ, ਸੁਖਵਿੰਦਰ ਸਿੰਘ ਰੌਣੀ, ਗੀਤਕਾਰ ਕਾਲਾ ਰੌਣੀ ਅਤੇ ਰਣਜੀਤ ਧੀਮਾਨ ਹਾਜਰ ਸਨ।

• ਦਰਪਣ ਕਲਾ ਮੰਚ ਵੱਲੋਂ ਨਾਟਕ ‘ਜ਼ਿੰਦਗੀ’ ਦਾ ਸਫ਼ਲ ਮੰਚਨ

• ਤੇਰੀਆਂ ਮੁਹੱਬਤਾਂ ਦੀ ਵੀਡੀਓ ਸ਼ੂਟਿੰਗ ਜਗਰਾਉਂ ’ਚ ਜ਼ੋਰਾਂ ’ਤੇ

• ਕੈਟਰੀਨਾ ਦੀ ਪਸੰਦ

• ਅਮਿਤਾਭ ਦੀ ਮਾਂ ਬਣਕੇ ਖੁਸ਼ ਹਾਂ : ਵਿਦਿਆ

• ਕੁਝ ਕਰਕੇ ਦਿਖਾ ਸਕਦੀ ਹੈ ਈਸ਼ਾ

• ਪੰਜਾਬੀ ਫਿਲਮਾਂ ਦੀ ਰੁੱਤ ਪਰਤੀ

• ਕਦੇ ਘਬਰਾਈ ਨਹੀਂ ਮਨੀਸ਼ਾ ਲਾਂਬਾ

• ਦਿਲਰੁਬਾ ਦੀ ਭਾਲ : ਤੁਸ਼ਾਰ

• ਆਫ਼ਤਾਬ ਬਣੇ ਨਿਰਮਾਤਾ

• ਬੱਬੂ ਮਾਨ ਦੇ ਨਵੇਂ ਗਾਣੇ “ਬਾਬਾ ਨਾਨਕ” ਦੀ ਆਸਟ੍ਰੇਲੀਆ ਦੇ ਪੰਜਾਬੀਆਂ ਵਲੋ ਭਾਰੀ ਪ੍ਰਸ਼ੰਸਾ

• ਅਸਟ੍ਰੇਲੀਆ ਵਿਚ ਸਰਤਾਜ ਦੀਆਂ ਲਾਈਵ ਮਹਿਫਲਾਂ ਦੀ ਤਿਆਰੀ ਮੁਹਿੰਮ ਸ਼ੁਰੂ

• ਅਭਿਨੇਤਰੀ ਲਿਜ ਹਰਲੇ ਕਰੇਗੀ ਫਿਲਮਾਂ ਵਿੱਚ ਵਾਪਸੀ

• ਫਿਲਮ ਸਟਾਰ ਬਣਨਾ ਚਾਹੁੰਦੇ ਹਨ ਜੈਕਸਨ ਦੇ ਬੱਚੇ

• ਅਮਜ਼ਦ ਖਾਨ ’ਚ ਸਨ ਦੋ ਬੁਰਾਈਆਂ

• ਬੇਕਾਬੂ ਹੋ ਰਿਹਾ ਹੈ ਲਿੰਡਸੇ ਦਾ ਵਿਵਹਾਰ

• ਆਈਟਮ ਗਰਲ ਨਹੀਂ ਹੈ ਪ੍ਰੀਤੀ ਜਿੰਟਾ: ਨਿਰਦੇਸ਼ਕ

• ਚੁੱਪ ਰਹਿਣ ਦਾ ਰਿਵਾਜ਼ : ਲਾਰਾ

• ਨੇਹਾ ਅੰਦਰੋਂ ਦੁਖੀ, ਬਾਹਰੋਂ ਸੁਖੀ

• ਸ਼ਾਇਨੀ ਨੇ ਸਿਧੀਵਿਨਾਇਕ ਮੰਦਿਰ ਵਿੱਚ ਪੂਜਾ ਕੀਤੀ